കോട്ടയം: മൂര്ഖന് പാമ്പിനെ പിടികൂടുന്നതിനിടെ കടിയേറ്റ് ചികിത്സയില് കഴിയുന്ന വാവ സുരേഷിന്റെ ആരോഗ്യ നിലയില് നേരിയ പുരോഗതി. കോട്ടയം മെഡിക്കല് കോളേജിലെ തീവ്ര പരിചരണ വിഭാഗത്തില് ചികിത്സയില് കഴിയുന്ന സുരേഷിന്റെ ഹൃദയമിടിപ്പും രക്തസമ്മര്ദ്ദവും സാധാരണ നിലയിലേക്കെത്തി. തലച്ചോറിന്റെ പ്രവര്ത്തനത്തിലും നേരിയ പുരോഗതിയുള്ളതായി അധികൃതര് അറിയിച്ചു. തിങ്കളാഴ്ച വൈകിട്ട് ആശുപത്രിയിലെത്തിക്കുമ്പോള് വാവ സുരേഷ് ഗുരുതരാവസ്ഥയിലായിരുന്നു.
ഹൃദയത്തിന്റെ പ്രവര്ത്തനം ഇരുപത് ശതമാനം മാത്രമാണ് ഉണ്ടായിരുന്നത്. തുടര്ന്ന് തീവ്ര പരിചരണ വിഭാഗത്തിലെ ചികിത്സയ്ക്ക് ശേഷം നില മെച്ചപ്പെടുകയായിരുന്നു.ചങ്ങനാശ്ശേരിക്കടുത്ത് കുറിച്ചിയില് നിന്ന് മൂര്ഖന്പാമ്പിനെ പിടിക്കാന് ശ്രമിക്കുന്നതിനിടെ തിങ്കളാഴ്ച 4.30-ഓടെയാണ് വാവ സുരേഷിന് കടിയേറ്റത്. ഏഴടി നീളമുള്ള മൂര്ഖനെ പിടിച്ച് ചാക്കിലേക്ക് മാറ്റുന്നതിനിടെ പൊടുന്നനെ വളഞ്ഞുവന്ന് സുരേഷിന്റെ വലതുതുടയില് കടിക്കുകയായിരുന്നു.