ചെന്നൈ : പുതിയ രാഷ്ട്രീയ പാര്ട്ടി സംബന്ധിച്ച പ്രഖ്യാപനം ഉടന് നടത്താനിരിക്കേ, മൂത്ത സഹോദരെന്റ അനുഗ്രഹം തേടി തമിഴ് സൂപ്പര്താരം രജനികാന്ത്. ഞായറാഴ്ച മൂത്ത സഹോദരന് സത്യനാരായണ റാവുവിനെ ബംഗളൂരുവിലെ വസതിയിലെത്തി സന്ദര്ശിച്ചാണ് രജനീകാന്ത് അനുഗ്രഹം വാങ്ങിയത്. രജനി സഹോദരെന്റ കാലില് വീണ് അനുഗ്രഹം വാങ്ങുന്നതിെന്റയും സഹോദരന് അദ്ദേഹത്തെ പൊന്നാടയണിയിച്ച് ആദരിക്കുന്നതിെന്റയുമെല്ലാം ചിത്രങ്ങള് ആവേശത്തോടെയാണ് ആരാധകര് ഏറ്റെടുത്തിരിക്കുന്നത്.
രാഷ്ട്രീയത്തില് പ്രവേശിക്കാന് തീരുമാനിക്കാനിടയായ സാഹചര്യങ്ങളും മറ്റും രജനി സഹോദരനോട് വിശദീകരിച്ചതായി അദ്ദേഹവുമായി അടുത്ത വൃത്തങ്ങള് പറയുന്നു. ഞായറാഴ്ച രാത്രി ബംഗളൂരുവിലെ വസതിക്ക് മുന്നില് രജനിയെ കാണാന് നൂറുകണക്കിന് ആരാധകരാണ് തടിച്ചുകൂടിയത്. ബാല്ക്കണിയിലേക്ക് വന്ന രജനി ആരാധകര്ക്കുനേരെ കൈ കൂപ്പുകയും കൈവീശി കാണിക്കുകയും ചെയ്തു. 2021 ജനുവരിയില് പുതിയ രാഷ്ട്രീയ പാര്ട്ടി തുടങ്ങുമെന്നും അതിെന്റ പ്രാഥമിക പ്രഖ്യാപനം ഡിസംബര് 31ന് നടത്തുമെന്നും കഴിഞ്ഞയാഴ്ചയാണ് രജനി വെളിപ്പെടുത്തിയത്.
സാധ്യമായ സേവനങ്ങളെല്ലാം ജനങ്ങള്ക്കുവേണ്ടി ചെയ്യാനാണ് താന് രാഷ്്ട്രീയത്തില് പ്രവേശിക്കുന്നതെന്നും രാഷ്ട്രീയത്തിലെ വിജയമെന്നാല് ജനങ്ങളുെട വിജയമാണെന്നുമാണ് അദ്ദേഹം പറഞ്ഞത്. അതേസമയം, രജനിയുടെ പുതിയ സിനിമയായ ‘അണ്ണാത്തെ’യുടെ ചിത്രീകരണം 2021െന്റ തുടക്കത്തില് പുനരാരംഭിക്കും. സിരുതായ് ശിവ സംവിധാനം ചെയ്യുന്ന സിനിമയുടെ ചിത്രീകരണം ഹൈദരാബാദിലെ റാമോജി ഫിലിം സിറ്റിയിലാണ് നടക്കുക.