ട്രംപിന്റെ പടുകൂറ്റൻ ഹോട്ടൽ തകർത്തു

വാഷിംഗ്ടൺ: അമേരിക്കൻ മുൻ പ്രസിഡന്റ് ഡൊണാൾഡ് ട്രംപിന്റെ ഉടമസ്ഥതയിലുള്ള പടുകൂറ്റൻ ഹോട്ടലും കാസിനോയും തകർത്തു. വെറും 20 സെക്കൻഡ് മാത്രമാണ് 34 നിലകളുള്ള ഹോട്ടൽ തകർക്കാൻ ആവശ്യമായി വന്നത്. കാലപ്പഴക്കം ചെന്നതിനെ തുടർന്നാണ് തകർത്തത്.

1984ലാണ് ഹോട്ടലും കാസിനോയും പ്രവർത്തനം ആരംഭിക്കുന്നത്. ഏറെ നാൾ പ്രമുഖർ പാർട്ടികളും മറ്റും നടത്തുന്ന പ്രധാന കേന്ദ്രമായിരുന്നു ഇത്. എന്നാൽ കാലം മാറിയതോടെ ഹോട്ടലിന്റെ ആർഭാടവും കുറഞ്ഞു. സെലിബ്രിറ്റികൾ ഹോട്ടൽ ഉപേക്ഷിച്ചു. 2009ൽ ട്രംപും കാസിനോയുമായുള്ള ബന്ധം ഉപേക്ഷിച്ചു. 2014ൽ ഹോട്ടൽ പൂട്ടുകയും ചെയ്തു.

പഴക്കം സംഭവിച്ചതോടെ ഇടയ്ക്കിടയ്ക്ക് ഹോട്ടലിന്റെ പലഭാഗങ്ങളും തകരാനും തുടങ്ങി. ഇതോടെയാണ് കെട്ടിടം പൊളിച്ചുമാറ്റാൻ തീരുമാനിച്ചത്. കെട്ടിടത്തിന്റെ അവശിഷ്ടങ്ങളും മറ്റും നീക്കം ചെയ്യുന്ന ജോലികളാണ് ഇപ്പോൾ പുരോഗമിക്കുന്നത്.