മുംബൈ: കോവിഡ് ആശുപത്രിയിലുണ്ടായ തീപിടിത്തത്തില് മരിച്ചവരുടെ എണ്ണം പത്തായി . ഡ്രീംസ് മാളിലെ മൂന്നാം നിലയിലെ കോവിഡ് ആശുപത്രിയിലായിരുന്നു തീ പടര്ന്നത് . അതെ സമയം തീപിടിത്തമല്ല രോഗികളുടെ മരണകാരണമെന്നും കോവിഡ് 19 ആണെന്നും സണ്റൈസ് ആശുപത്രി പുറത്തിറക്കിയ വാര്ത്താക്കുറിപ്പില് പറയുന്നു. അപകട സമയം മൃതദേഹങ്ങള് പുറത്തെത്തിച്ചതായും ആശുപത്രി അധികൃതര് വ്യക്തമാക്കി.
തീപിടിത്തത്തില് രണ്ടുപേര് മരിച്ച വാര്ത്ത ആദ്യം തന്നെ പുറത്തുവന്നിരുന്നു. നിരവധി പേര് കുടുങ്ങി കിടക്കുന്നുണ്ടെന്നും വിവരമുണ്ടായിരുന്നു. എന്നാല് മണിക്കൂറുകള്ക്കകമാണ് മരണസംഖ്യ ഉയര്ന്നത് . മുംബൈ ആശുപത്രി കെട്ടിടത്തിലുണ്ടായ തീപിടിത്തത്തില് മരിച്ചവരുടെ എണ്ണം പത്തായതായി മുതിര്ന്ന ഫയര്ഫോഴ്സ് ഉദ്യോഗസ്ഥന് വെളിപ്പെടുത്തി .
ആശുപത്രിയില് ചികിത്സയിലുണ്ടായിരുന്ന 76 പേരില് 73 പേരും കോവിഡ് ബാധിതരായിരുന്നു. ഇവരെ മറ്റു ആശുപത്രികളിലേക്ക് മാറ്റിയതായി മേയര് അറിയിച്ചു. വ്യാഴാഴ്ച അര്ധരാത്രി 12 മണിയോടെയായിരുന്നു തീപിടിത്തം. മാളിലെ ആശുപത്രിയിലാണ് സംഭവം. 70ല് അധികം രോഗികള് ഈ സമയം ആശുപത്രിയില് ചികിത്സയിലുണ്ടായിരുന്നു. അതെ സമയം അപകടത്തിന്റെ കാരണം വ്യക്തമല്ല. അന്വേഷണം പ്രഖ്യാപിച്ചിട്ടുണ്ട്.