ന്യൂഡല്ഹി: രാജ്യത്തെ പ്രമുഖ മാധ്യമപ്രവര്ത്തകനും എഴുത്തുകാരനും മുംബൈ സാഹിത്യോത്സവ സ്ഥാപകനുമായ അനില് ധാര്ക്കര് അന്തരിച്ചു. 74 വയസായിരുന്നു. ഹൃദയ സംബന്ധമായ അസുഖങ്ങളെ തുടര്ന്ന് മുംബൈയിലെ ആശുപത്രിയില് ചികിത്സയിലായിരുന്നു അദ്ദേഹം.
അഞ്ചുപതിറ്റാണ്ട് നീണ്ടുനിന്ന ഔദ്യോഗിക ജീവിതത്തില് എഴുത്തുകാരന്, കോളമിസ്റ്റ്,ആര്ക്കിടെക്ട്, ഫിലിം സെന്സര് ബോര്ഡിലെ അഡ്വൈസറി കമ്മിറ്റി അംഗം എന്നീ നിലകളില് പ്രവര്ത്തിച്ചു. കൂടാതെ മിഡ് ഡേ, ദ ഇന്ഡിപെന്ഡന്റ് എന്നീ പ്രസിദ്ധീകരണങ്ങളുടെ എഡിറ്ററായും അദ്ദേഹം സജീവമായിരുന്നു .
സൗത്ത് മുംബൈയിലെ ആകാശവാണി ഓഡിറ്റോറിയം ആര്ട്ട് മൂവീ തിയറ്ററാക്കി മാറ്റുന്നതിലും ശ്രദ്ധേയമായ പങ്ക് അദ്ദേഹം വഹിച്ചു. ശ്രദ്ധേയമായ ടെലിവിഷന് പരിപാടികളും അദ്ദേഹം അവതരിപ്പിച്ചിരുന്നു. പ്രമുഖര് അദ്ദേഹത്തിന്റെ മരണത്തില് അനുശോചനം അറിയിച്ചു.