വടക്കഞ്ചേരി: മംഗലം ഡാമില് നിന്നുള്ള മണ്ണുലോറികളുടെ നിലക്കാത്ത ഓട്ടത്തില് ടൗണും പരിസരവും പൊടിയില് മുങ്ങുന്നു. ഇടവിട്ട് നിരവധി തവണ റോഡില് വെള്ളം നനക്കുന്നുണ്ടെങ്കിലും പ്രയോജനമില്ലെന്ന് വ്യാപാരികളും വീട്ടുകാരും പറയുന്നു. കടകള്ക്കുള്ളിലെല്ലാം പൊടി കയറി സാധനങ്ങള്ക്ക് വലിയ നഷ്ടം ഉണ്ടാക്കുന്നതായി പറയുന്നു.കാല്നടയാത്രക്കാരും പൊടിയില് മുങ്ങുന്ന സ്ഥിതിയാണ്. റോഡില് നനക്കാന് എടുക്കുന്ന വെള്ളം ഡാമിലെ തന്നെ കലക്കുവെള്ളമായതിനാല് വെള്ളം ഉണങ്ങുമ്പോള് പിന്നേയും പൊടി കൂടുതലാകും. നൂറോളം വലിയ ടോറസുകളാണ് ദിവസവും മണ്ണ് കയറ്റി പോകുന്നത്.ഡാമില് നിന്നു മണ്ണുമാന്തി യന്ത്രം ഉപയോഗിച്ച് മണ്ണ് നിറക്കുമ്പോള് അമര്ത്തി നിറക്കുന്നുണ്ടെങ്കിലും റോഡിലെ കുഴികളില് ചാടുമ്പോള് മണ്ണ് റോഡില് വീഴുകയാണ്. പൊന്കണ്ടം റോഡില് പാണ്ടിക്കടവ് ഭാഗത്ത് ടാര് റോഡ് കാണാത്ത വിധം മണ്റോഡ് പോലെയായി. വീതി കുറഞ്ഞ റോഡുകളിലൂടെ ടോറസുകള് അമിത വേഗതയില് പോകുന്നത് അപകട സാധ്യതയുണ്ടാക്കുന്നതായും പരാതിയുണ്ട്.
Related Articles
Check Also
Close
-
മാൻദൗസ് തീവ്ര ചുഴലിക്കാറ്റായി ശക്തി പ്രാപിച്ചുDecember 9, 2022 10:58 AM