ശ്രീനഗര്: ജമ്മുകാഷ്മീരിലെ ഷോപ്പിയാനില് സുരക്ഷാ സേനയുമായുണ്ടായ ഏറ്റുമുട്ടലില് മൂന്ന് ഭീകരര് കൊല്ലപ്പെട്ടു. രണ്ട് ഭീകരര് പ്രദേശത്തെ മോസ്ക്കില് ഒളിച്ചിരിപ്പുണ്ട്. മേഖലയില് വെടിവയപ്പ് തുടരുകയാണ്. മരിച്ച ഭീകരരെ തിരിച്ചറിഞ്ഞിട്ടില്ല.
മോസ്ക്കിനുള്ളില് ഭീകരരുണ്ടെന്ന രഹസ്യ വിവരത്തിന്റെ അടിസ്ഥാനത്തില് വ്യാഴാഴ്ചയാണ് സുരക്ഷാസേന സ്ഥലത്തെത്തിയത്. തുടര്ന്ന് നടന്ന വെടിവയ്പ്പിലാണ് ഭീകരര് കൊല്ലപ്പെട്ടത്. ഭീകരരെ അനുനയിപ്പിക്കുന്നതിനു വേണ്ടി സൈന്യം ഭീകരരില് ഒരാളുടെ സഹോദരനെയും മുസ്ലീം പുരോഹിതനെയും മോസ്ക്കിലേക്ക് അയച്ചിരുന്നു.