കൊവിഡ് രണ്ടാം തരംഗവുമായി രാജ്യം പോരാടുമ്പോൾ, നിരവധി മെഡിക്കൽ വിദഗ്ധർ അണുബാധ തടയുന്നതിന് രണ്ട് മാസ്കുകൾ ധരിക്കാൻ ശുപാർശ ചെയ്തിട്ടുണ്ട്. ഇരട്ട മാസ്കിംഗിനായി ചെയ്യേണ്ടതും ചെയ്യരുതാത്തതുമായ കാര്യങ്ങള് സർക്കാർ വ്യക്തമാക്കുന്നു.
ചെയ്യേണ്ട കാര്യങ്ങള് ഇവ
ഇരട്ട മാസ്കിൽ ഒരു ശസ്ത്രക്രിയാ മാസ്കും ഇരട്ട അല്ലെങ്കിൽ ട്രിപ്പിൾ ലേയേർഡ് തുണി മാസ്കും അടങ്ങിയിരിക്കണം.
മൂക്കിന്റെ പാലത്തില് മാസ്ക് ശക്തമായി അമർന്നിരിക്കണം
ശ്വസനം തടസ്സപ്പെടുന്നില്ലെന്ന് ഉറപ്പാക്കണം.
തുണി മാസ്ക് പതിവായി കഴുകുക.
ചെയ്യരുതാത്തവ
ഒരേ തരത്തിലുള്ള രണ്ട് മാസ്കുകൾ ജോടിയാക്കരുത്.
തുടർച്ചയായി രണ്ട് ദിവസം ഒരേ മാസ്ക് ധരിക്കരുത്.
ഒരു പഠനമനുസരിച്ച്, ഇറുകിയ ഫിറ്റ് ചെയ്ത രണ്ട് മാസ്കുകള് ധരിക്കുന്നത് SARS-CoV-2- വൈറസിനെ പ്രതിരോധിക്കാന് സഹായിക്കും. ഇത് ധരിക്കുന്നയാളുടെ മൂക്കിലേക്കും വായിലേക്കും വൈറസ് എത്തുന്നത് തടയുകയും കൊവിഡ് 19ല് നിന്ന് രക്ഷനല്കുകയും ചെയ്യും.