ഇന്ത്യയിൽ 70 ലക്ഷം കടന്ന് കൊവിഡ് കേസുകൾ

ഇന്ത്യയിൽ 70 ലക്ഷം കടന്ന് കൊവിഡ് കേസുകൾ. ആകെ പോസിറ്റീവ് കേസുകൾ 70,53,807 ആയി.

24 മണിക്കൂറിനിടെ 74,383 പോസിറ്റീവ് കേസുകളും 918 മരണവും റിപ്പോർട്ട് ചെയ്തു. ഇതോടെ ആകെ മരണം 1,08,334 ആയി. രാജ്യത്ത് ചികിത്സയിലുള്ളവരുടെ എണ്ണം 8,67,496 ആണ്.

ഇന്ത്യയിൽ രോഗമുക്തരുടെ എണ്ണം 60 ലക്ഷം കടന്നത് രാജ്യത്തിന് ആശ്വാസം പകരുന്നുണ്ട്. ആകെ രോഗമുക്തരുടെ എണ്ണം 60,77,977 ആണ്.

ജോൺ ഹോപ്കിൻസ് ഡേറ്റ പ്രകാരം ഏറ്റവും കൂടുതൽ കൊവിഡ് ബാധിച്ച രാജ്യങ്ങളിൽ ഇന്ത്യ രണ്ടാം സ്ഥാനത്താണ്. അമേരിക്കയിലാണ് ഏറ്റവും കൂടുതൽ കൊവിഡ് ബാധിതരുള്ളത്. മരണനിരക്കിന്റെ കണക്കെടുത്താൽ ഇന്ത്യ മൂന്നാമതാണ്. പട്ടികയിൽ ആദ്യം അമേരിക്കയും, രണ്ടാമത് ബ്രസീലുമാണ്.