തിരുവനന്തപുരം: കൊച്ചി വാട്ടര് മെട്രോ പദ്ധതിയുടെ ഒരു വര്ഷത്തേക്കുള്ള ആദ്യഘട്ട യാത്രാ നിരക്കിന് മന്ത്രിസഭായോഗം അനുമതി നല്കി. മിനിമം ഫെയര്- 20 രൂപ (മൂന്നു കിലോ മീറ്റര്) ശേഷമുള്ള ഓരോ കിലോമീറ്ററിനും നാലു രൂപ വീതം വര്ധനയുണ്ടാവും.
ഒരു റൂട്ടിലേക്കുള്ള പരമാവധി നിരക്ക് 40 രൂപയായിരിക്കും. കാലാകാലങ്ങളില് നിരക്ക് നിശ്ചയിക്കുന്നതിന് ഫെയര് ഫിക്സേഷന് കമ്മിറ്റി രൂപീകരിക്കാന് കൊച്ചി വാട്ടര് മെട്രോ ലിമിറ്റഡിന് അധികാരം നല്കി. മാര്ക്കറ്റ് സാഹചര്യമനുസരിച്ച് യാത്രാക്കൂലി പുതുക്കാന് ഇവര്ക്ക് അധികാരമുണ്ടാവും.