![“Manju”](https://santhigirinews.org/wp-content/uploads/2020/04/YOUTUBE.jpg")
71 -ാം പിറന്നാള്‍ ആഘോഷിക്കുന്ന പ്രധാനമന്ത്രി നരേന്ദ്ര മോദിക്ക് ആശംസകള്‍ നേര്‍ന്ന് നടന്‍ മമ്മൂട്ടി. നരേന്ദ്ര മോദിയുടെ ഒരു ചിത്രം പങ്കുവെച്ചുകൊണ്ടായിരുന്നു താരത്തിന്റെ ആശംസ. ‘പ്രിയപ്പെട്ട പ്രധാന മന്ത്രി നരേന്ദ്ര മോദിയ്ക്ക് സന്തോഷകരമായ ജന്മദിനാശംസകള്‍ നേരുന്നു’ എന്നായിരുന്നു മമ്മൂട്ടി കുറിച്ചത്.
പ്രധാനമന്ത്രിയുടെ പിറന്നാള്‍ പ്രമാണിച്ച്‌ ഇന്ന് രാജ്യത്തൊട്ടാകെ രണ്ടുകോടി ആളുകള്‍ക്ക് കോവിഡ് വാക്സീന്‍ നല്‍കാന്‍ വിപുലമായ പരിപാടികളുമായി കേന്ദ്രസര്‍ക്കാര്‍ രംഗത്തുണ്ട്. മമ്മൂട്ടിക്ക് പുറമെ മോഹന്‍ലാല്‍, ഉണ്ണി മുകുന്ദനും മലയാളത്തിന്റെ സൂപ്പര്‍സ്റ്റാര്‍ സുരേഷ് ഗോപിയും പ്രധാനമന്ത്രിക്ക് പിറന്നാള്‍ ആശംസകള്‍ നേര്‍ന്ന് രംഗത്തുണ്ട്.
നരേന്ദ്രമോദിക്കൊപ്പമുള്ള ചിത്രം പങ്കുവെച്ചുകൊണ്ടാണ് സുരേഷ് ഗോപിയുടെ ആശംസ. പലപ്പോഴായി സുരേഷ് ഗോപിയും നരേന്ദ്ര മോദിയും കൂടിക്കാഴ്ച നടത്താറുണ്ട്. ‘ഇന്ത്യയുടെ സൂര്യന്‍ കൂടുതല്‍ തിളങ്ങട്ടെ, ഭാരതലോകത്തില്‍ കൂടുതല്‍ ഉദാരമായി തിളങ്ങാനാകട്ടെ. ഭാരതത്തിന്റെ അഭിമാനം. ഭാരതത്തെ ലോകത്തിന്റെ മുന്നില്‍ അഭിമാനാക്കിക്കൊണ്ടേയിരിക്കൂ, ഹീരാബെന്‍ മോദീ, ദാമോദര്‍ദാസ് മുല്‍ചന്ദ് മോദി. നിങ്ങളെ ലോകത്തോടൊപ്പം ഞാനും വണങ്ങുന്നു’ സുരേഷ് ഗോപി കുറിച്ചു.
