തിയറ്ററുകള് തുറക്കുന്നതു പരിഗണനയില്
തിരുവനന്തപുരം: കോവിഡ് നിയന്ത്രണങ്ങളില് ഇളവുകള് വരുത്തുന്ന സാഹചര്യത്തില് സംസ്ഥാനത്തെ സിനിമാ തിയറ്ററുകള് തുറക്കുന്നതു സര്ക്കാരിന്റെ പ്രത്യേക പരിഗണനയിലുണ്ടെന്നു മുഖ്യമന്ത്രി പിണറായി വിജയന് അറിയിച്ചു. കൂടാതെ സ്കൂളുകളും കോളജുകളും തുറക്കുന്നതിനാല് കോച്ചിംഗ് സെന്ററുകള് തുറക്കുന്നതും പരിഗണിക്കും. ഇതോടൊപ്പം വൈകാതെ തന്നെ കോവിഡ് ബാധിച്ചു മരിച്ചവര്ക്കുള്ള നഷ്ടപരിഹാരത്തുകയുടെ വിതരണവും തുടങ്ങും. ഇതിനായി കേന്ദ്രം നിര്ദേശിച്ച തുകയാകും നല്കുക.