ന്യൂഡല്ഹി: രാജ്യത്തെ നദികളെ മാലിന്യ മുക്തമാക്കണമെന്ന് പ്രധാനമന്ത്രി നരേന്ദ്ര മോദി. ജീവിതവുമായി ബന്ധപ്പെട്ട നദികളെ സംരക്ഷിക്കേണ്ടത് നമ്മുടെ കര്ത്തവ്യമാണെന്നും അദ്ദേഹം ചൂണ്ടിക്കാട്ടി . മന്കിബാത് പരിപാടിയില് സംസാരിക്കുകയായിരുന്നു അദ്ദേഹം.
“സെപ്റ്റംബര് മാസം സുപ്രധാന മാസമാണ്. ലോക നദി ദിനം വരുന്ന മാസമാണത്. നിസ്വാര്ഥമായി നമുക്ക് വെള്ളം നല്കുന്ന നമ്മുടെ നദികളുടെ സംഭാവനകള് ഓര്ക്കാന് ഒരു ദിവസം”- പ്രധാനമന്ത്രി പറഞ്ഞു.
ഇന്ന് ലോകം ‘നദി ദിനം’ ആഘോഷിക്കുന്നു. വര്ഷത്തില് ഒരിക്കലെങ്കിലും “നദി ഉത്സവം’ ആഘോഷിക്കാന് ഈ അവസരത്തില് രാജ്യത്തെ എല്ലാ ജനങ്ങളോടും ആഹ്വാനം ചെയ്യുകയാണ്.
ശുചിത്വത്തിന്റെ വക്താവായിരുന്നു മഹാത്മാ ഗാന്ധി. അദ്ദേഹം ശുചിത്വത്തെ ബഹുജന പ്രസ്ഥാനമാക്കി, സ്വാതന്ത്ര്യ സ്വപ്നവുമായി ബന്ധപ്പെടുത്തി- മോദി കൂട്ടിച്ചേര്ത്തു .