![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീനഗര്‍ : ജമ്മുകശ്മീരില്‍ വന്‍ ആയുധ ശേഖരം കണ്ടെത്തി. റിയാസി ജില്ലയിലെ മഹോര്‍ വനത്തില്‍ നിന്നാണ് ആയുധ ശേഖരം കണ്ടെത്തിയത്. സൈന്യവും ജമ്മു കശ്മീര്‍ പോലീസും ചേര്‍ന്ന് നടത്തിയ തിരച്ചിലിലാണ് ആയുധശേഖരം കണ്ടെടുത്തത്. യുബിജിഎല്ലുള്ള എകെ -47 റൈഫിള്‍, യുബിജിഎല്‍ ഗ്രനേഡ്, 45 റൗണ്ട് സെല്‍ഫ് ലോഡിംഗ് റൈഫിള്‍ (എസ്‌എല്‍ആര്‍),ആറ് റൗണ്ട് വെടിയുണ്ടകള്‍ എന്നിവ കണ്ടെത്തി. അതേസമയം കഴിഞ്ഞ ദിവസം സമാനരീതിയില്‍ ജമ്മു കശ്മീരിലെ കുപ്‌വാരയില്‍ നിന്ന് ആയുധങ്ങളുടെ ശേഖരം പിടികൂടിയിരുന്നു. ബിഎസ്‌എഫും ജമ്മു കശ്മീര്‍ പൊലീസും ചേര്‍ന്നാണ് ആയുധങ്ങള്‍ പിടികൂടിയത്
