കേളകം: വയോധികയുടെ പെന്ഷന് തുക വായ്പയില് വകയിരുത്തിയ സംഭവത്തില് ബാങ്ക് മാനേജര്ക്കെതിരെ കേസെടുത്തു.
ആഗസ്റ്റ് 11-ന് ആണ് കേസിനാസ്പദമായ സംഭവം. കേളകം സ്വദേശിനി മുളക്കെക്കുടി രത്നമ്മയാണ് പരാതിക്കാരി. രത്നമ്മയ്ക്ക് വാര്ധക്യ പെന്ഷനായി ലഭിച്ച വകയില് ബാങ്ക് അക്കൗണ്ടിലുണ്ടായിരുന്ന തുകയില് നിന്ന് കാര്ഷിക ലോണിന്റെ കുടിശ്ശികയായി അടക്കാനുള്ള 17,000 രൂപ മാനേജര് അവരുടെ സമ്മതമോ അറിവോ ഇല്ലാതെ ബാങ്ക് ലോണില് വരവു വെച്ചതാണ് കേസിനാസ്പദമായ സംഭവം.
ഗ്രാമീണ് ബാങ്ക് കേളകം ശാഖ മാനേജര് സുധ ലതക്കെതിരെയാണ് കേളകം പൊലീസ് കേസെടുത്തത്. സംഭവത്തില് രത്നമ്മ കോടതിയില് പരാതി നല്കിയതിന്റെ അടിസ്ഥാനത്തില് കോടതി കേളകം പൊലീസിനോട് കേസെടുക്കാന് ആവശ്യപ്പെടുകയായിരുന്നു.