മുംബൈ: സ്റ്റേഷനില് നിന്ന് നീങ്ങിത്തുടങ്ങിയ ട്രെയിനില് കയറാന് ശ്രമിക്കുന്നതിനിടെ തെന്നിവീണ യുവതിക്ക് റെയില്വേ പ്രൊട്ടക്ഷന് ഫോഴ്സ് കോണ്സ്റ്റബിള് രക്ഷകയായി.
ഞായറാഴ്ച രാത്രി ബൈകുള സ്റ്റേഷനില് ഡ്യൂട്ടിയിലായിരുന്നു കോണ്സ്റ്റബിള് സപ്ന ഗോല്ക്കര്. ട്രെയിനില് കയറാന് ശ്രമിക്കുന്നതിനിടെ സ്ത്രീ നിലതെറ്റി വീഴുകയായിരുന്നു. ബോഗിയുടെ പടിയിലേക്ക് വീണ യുവതിയുമായി ട്രെയിന് നീങ്ങുന്നത് കണ്ട് ഓടിയെത്തിയ ഗോല്ക്കര് അവരെ രക്ഷപെടുത്തി. രണ്ടുമാസത്തിനിടെ രണ്ടാം തവണയാണ് ഗോല്ക്കര് യാത്രക്കാരെ സമാനമായ സാഹചര്യത്തില് നിന്ന് രക്ഷപെടുത്തിയത്. കഴിഞ്ഞ മാസം സന്ദേസ്റ്റ് സ്റ്റേഷനില് വെച്ചാണ് 50കാരിയുടെ ജീവന് ഗോല്കര് രക്ഷിച്ചത്.
ലോക്കല് ട്രെയിനില് കയറാന് ശ്രമിക്കുന്നതിനിടെ വീണ 40കാരി പിന്നീട് എഴുന്നേറ്റ് നില്ക്കുന്നത് സെന്ട്രല് റെയില്വേ സാമൂഹിക മാധ്യമങ്ങളില് പങ്കുവെച്ച വിഡിയോയില് കാണാം. യുവതിക്ക് നിസ്സാര പരിക്കുകള് മാത്രമാണുള്ളത്.
भायखला रेलवे स्टेशन PF-01 पर एक 40 वर्ष महिला करीबन 20:03 बजे चलती लोकल ट्रेन में चढने का प्रयास करते समय संतुलन बिगङने के कारण चलती लोकल से गिरते समय स्टेशन पर तैनात ऑन डियुटी महिला आरक्षक सपना गोलकर द्वारा उक्त महिला यात्री की जान बजाकर सराहनीय कार्य किया गया । @RailMinIndia pic.twitter.com/EqX2vMUu0A
— Central Railway (@Central_Railway) November 21, 2021
വിഡിയോ ട്വിറ്ററില് പങ്കുെവച്ച റെയില്വേ മന്ത്രാലയം ജീവനക്കാരിയെ അഭിനന്ദിച്ചു. ട്രെയിന് നീങ്ങിത്തുടങ്ങിയാല് കയറാന് ശ്രമിക്കരുതെന്നും അത് അപകടമുണ്ടാക്കുമെന്നും പോസ്റ്റില് റെയില്വേ ഓര്മിപ്പിച്ചു.