വിജയോത്സവം ഉദ്ഘാടനം ഭക്ഷ്യ വകുപ്പ് മന്ത്രി നിര്വഹിച്ചു
വെഞ്ഞാറമൂട് : എന്എന് പഠന ഗവേഷണ കേന്ദ്രത്തിന്റെയും കേരള സ്പോര്ട്സ് ക്ലബ്ബിന്റെയും ആഭിമുഖ്യത്തില് വിജയോത്സവം സംഘടിപ്പിച്ചു. പരിപാടിയില് പ്ലസ് ടു പരീക്ഷകളില് ഉന്നത വിജയം നേടിയ വിദ്യാര്ഥികളെയും, വിവിധബിരുദ റാങ്കുകള് കരസ്ഥമാക്കിയ വിദ്യാര്ഥികളെയും അനുമോദിച്ചു. വിജയോത്സവത്തിന്റെ ഉദ്ഘാടനം ഭക്ഷ്യ സിവില് സപ്ലൈസ് മന്ത്രി ജി. ആര്. അനില് നിര്വഹിച്ചു.
ചടങ്ങില് എസ്എസ്എല്സി,വിജയികള്ക്കും അവാര്ഡുകള് സമ്മാനിച്ചു. ചടങ്ങില് ഗ്രന്ഥശാല പ്രസിഡന്റ് വിജയന് അധ്യക്ഷനായി. മാണിക്കല് ഗ്രാമപഞ്ചായത്ത് പ്രസിഡന്റ് കുതിരകുളം ജയന്, വൈസ് പ്രസിഡന്റ് ലേഖാ കുമാരി, ആരോഗ്യ വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്മാന് കെ. സുരേഷ് കുമാര്, ബ്ലോക്ക് പഞ്ചായത്ത് അംഗങ്ങളായ ഷീല കുമാരി, സജീവ്, ലൈബ്രറി കൗണ്സില് അംഗം ശ്രീവത്സന്, സംഘാടകര് എന്നിവര് പ്രസംഗിച്ചു. കോവിഡ് മാനദണ്ഡങ്ങള് പാലിച്ചാണ് ചടങ്ങ് നടന്നത്.