ഡല്ഹി: രാജ്യത്ത് 6ജി സാങ്കേതികവിദ്യ അവതരിപ്പിക്കുമെന്ന് പ്രഖ്യാപിച്ചിരിക്കുകയാണ് കേന്ദ്ര വാര്ത്താവിനിമയ വകുപ്പ് മന്ത്രി അശ്വിനി വൈഷ്ണവ്. 2023 അവസാനത്തേക്കോ 2024 തുടക്കത്തിലോ രാജ്യത്ത് 6ജി അവതരിപ്പിക്കാനുള്ള പദ്ധതിയുണ്ടെന്നാണ് മന്ത്രി ഒരു ഓണ്ലൈന് വെബിനാറിലൂടെ അറിയിച്ചത്.
എഞ്ചിനീയര്മാരും ശാസ്ത്രജ്ഞരും ഇതിനകം 6ജി സാങ്കേതികവിദ്യയില് പ്രവര്ത്തിക്കാന് തുടങ്ങിയിട്ടുണ്ടെന്നും മന്ത്രി അഭിപ്രായപ്പെട്ടു. ഇന്ത്യന് എക്സ്പ്രസും ഫിനാന്ഷ്യല് എക്സ്പ്രസും ചേര്ന്നാണ് വെബിനാര് സംഘടിപ്പിക്കുന്നത്.
6 ജി നെറ്റ്വര്ക്കുകള് പ്രവര്ത്തിപ്പിക്കുന്നതിനായി ഇന്ത്യയില് രൂപകല്പ്പന ചെയ്ത ടെലികോം സോഫ്റ്റ്വെയറുകളും ഇന്ത്യയില് നിര്മിച്ച ടെലികോം ഉപകരണങ്ങളുമുണ്ടായിരിക്കുമെന്നും ആഗോളതലത്തില് എത്തിക്കാന് കഴിയുന്ന ടെലികോം നെറ്റ്വര്ക്കുകള് ആയിരിക്കും നമ്മുടേതെന്നും മന്ത്രി പറഞ്ഞു.