![“Manju”](https://santhigirinews.org/wp-content/uploads/2020/04/YOUTUBE.jpg")
എറണാകുളം : ഇരുപത്തിയഞ്ച് വര്‍ഷം മുന്‍പ് നടപ്പില്‍ വന്ന കേരള വനിതാ കമ്മിഷന്‍ ആക്റ്റ് കാലാനുസൃതമായി ഭേദഗതി വരുത്തുന്നതിനായി കേരള വനിതാ കമ്മിഷന്‍ വിദഗ്ധ സമിതി ചര്‍ച്ച സംഘടിപ്പിച്ചു. കേരള വനിത കമ്മിഷന്‍ ചെയര്‍ പേഴ്സണ്‍ അഡ്വ. പി. സതീദേവിയുടെ അധ്യക്ഷതയിലായിരുന്നു ചര്‍ച്ച.
ഭേദഗതി ബില്ലില്‍ ഉള്‍പ്പെടുത്തേണ്ട വിഷയങ്ങളെ സംബന്ധിച്ച്‌ കേരള വനിതാ കമ്മിഷന്‍ എറണാകുളം ഗവണ്‍മെന്റ് ഗസ്റ്റ് ഹൗസ് ലൈബ്രറി ഹാളില്‍ സംഘടിപ്പിച്ച വിദഗ്ധ സമിതി ചര്‍ച്ചയില്‍ അഡ്വക്കറ്റ് ജനറല്‍ കെ.ഗോപാലകൃഷ്ണക്കുറുപ്പ്, ഡയറക്ടര്‍ ജനറല്‍ ഓഫ് പ്രോസിക്യൂഷന്‍ റ്റി.എ. ഷാജി, മുന്‍ നിയമ സെക്രട്ടറി ബി.ജി. ഹരീന്ദ്രനാഥ്, കമ്മിഷന്‍ അംഗങ്ങളായ അഡ്വ. എം.എസ്. താര, അഡ്വ. ഷിജി ശിവജി, കേരള വനിതാ കമ്മിഷന്റെ ഹൈക്കോടതിയിലെ സ്റ്റാന്‍ഡിങ് കോണ്‍സല്‍ എ. പാര്‍വതി മേനോന്‍, ഡയറക്ടര്‍ ഷാജി സുഗുണന്‍, മെമ്പര്‍ സെക്രട്ടറി ഇന്‍ ചാര്‍ജ് വി.എസ്.സന്തോഷ് എന്നിവര്‍ പങ്കെടുത്തു.
