![“Manju”](https://santhigirinews.org/wp-content/uploads/2020/04/YOUTUBE.jpg")
ഡല്‍ഹി: ഉപഭോക്താക്കളുടെ വര്‍ദ്ധിച്ചുവരുന്ന ആവശ്യങ്ങള്‍ പരിഗണിച്ച്‌ ടെലികോം റെഗുലേറ്ററി അതോറിറ്റി ഓഫ് ഇന്ത്യ വ്യാഴാഴ്ച ) ടെലികോം ഓപ്പറേറ്റര്‍മാര്‍ക്ക് സുപ്രധാന നിര്‍ദ്ദേശം നല്‍കി.ടെലികോം താരിഫ് ഉത്തരവ് 2022 ട്രായ് പുറപ്പെടുവിച്ചു,അതില്‍ 28 ദിവസത്തെ ഓഫറുകള്‍ കൂടാതെ 30 ദിവസത്തെ വാലിഡിറ്റി റീചാര്‍ജ് പാക്കുകളും വാഗ്ദാനം ചെയ്യാന്‍ ടെലികോം സേവന ദാതാക്കളോട് അത് നിര്‍ദേശിച്ചിട്ടുണ്ട്‌.
പുതിയ മാര്‍ഗ്ഗനിര്‍ദ്ദേശം അനുസരിച്ച്‌, ഓരോ ടിഎസ്പിക്കും “കുറഞ്ഞത് ഒരു പ്ലാന്‍ വൗച്ചറും ഒരു പ്രത്യേക താരിഫ് വൗച്ചറും മുപ്പത് ദിവസത്തെ കാലാവധിയുള്ള ഒരു കോംബോ വൗച്ചറും” ഓഫര്‍ ചെയ്യേണ്ടിവരും.കൂടാതെ, ഓരോ ടിഎസ്പിയും “കുറഞ്ഞത് ഒരു പ്ലാന്‍ വൗച്ചര്‍, ഒരു പ്രത്യേക താരിഫ് വൗച്ചര്‍, ഒരു കോംബോ വൗച്ചര്‍ എന്നിവ നല്‍കേണ്ടിവരും, അത് എല്ലാ മാസവും ഒരേ തീയതിയില്‍ പുതുക്കാവുന്നതായിരിക്കും. ട്രായ് അറിയിപ്പില്‍ പറയുന്നു.
