ഗോവയില് ബിജെപി മന്ത്രി സഭ ഈ മാസം 14 ന് സത്യപ്രതിജ്ഞ ചെയ്ത് അധികാരമേല്ക്കും. ഗോവയില് 650 വോട്ടുകളുടെ ഭൂരിപക്ഷത്തില് വിജയിച്ച നിലവിലെ മുഖ്യമന്ത്രി പ്രമോദ് സാവന്ത് തുടര്ന്നും മുഖ്യമന്ത്രിയാകുമെന്ന കാര്യത്തില് ഏതാണ്ട് ഉറപ്പായി കഴിഞ്ഞു.
ഗോവയില് ബിജെപി തന്നെ സര്ക്കാരുണ്ടാക്കുമെന്ന് മുഖ്യമന്ത്രിയും ബിജെപി നേതാവുമായ പ്രമോദ് സാവന്ത് പ്രതികരിച്ചിരുന്നു. ബിജെപി തുടര് ഭരണത്തിലേക്ക് പോകും, എംജിപിയും സ്വതന്ത്രരും തങ്ങള്ക്കൊപ്പം നില്ക്കുമെന്നും പ്രമോദ് സാവന്ത് അവകാശപ്പെട്ടിരുന്നു.
അതേസമയം, സര്ക്കാര് രൂപീകരിക്കാന് സ്വതന്ത്രരുമായി പ്രാഥമിക ചര്ച്ചകള് നടത്തിയെന്ന് പ്രമോദ് സാവന്ത് വ്യക്തമാക്കിയിരുന്നു. മാത്രമല്ല ഗോവയില് സര്ക്കാരുണ്ടാക്കുമെന്ന് ബിജെ പി കേന്ദ്ര നേതൃത്വം അറിയിച്ചിരുന്നു. ഗോവയിലെ ബിജെ പി യുടെ ചുമതലയുള്ള സി ടി രവി ഇക്കാര്യം അറിയിച്ചിരുന്നു. പ്രദേശിക പാര്ട്ടികളുടെയും സ്വതന്ത്രരുടെയും പിന്തുണയോടെ ബി ജെ പി സര്ക്കാരുണ്ടാകുമെന്ന് ബി ജെപി യുടെ മറ്റൊരു നേതാവ് സദാനന്ദ് തനാവദെയും അറിയിച്ചു. ഗോവയില് രാഷ്ട്രീയ നീക്കങ്ങള്ക്കും രാഷ്ട്രീയ നാടകങ്ങള്ക്കും സാധ്യതയേറുകയാണ്. കോണ്ഗ്രസിന് ഇത് വലിയ തിരിച്ചടിയാണ്.