![“Manju”](https://santhigirinews.org/wp-content/uploads/2020/04/YOUTUBE.jpg")
മദ്രാസ് ഐ.ഐ.ടിയില്‍ തദ്ദേശീയമായി വികസിപ്പിച്ച 5ജി നെറ്റ്‌വര്‍ക്കില്‍ നിന്ന് ആദ്യ വിഡിയോകോള്‍ നടത്തി കേന്ദ്രമന്ത്രി അശ്വിനി വൈഷ്ണവ്. തദ്ദേശീയമായി സേവനങ്ങളും ഉത്പന്നങ്ങളും നിര്‍മ്മിക്കുകയെന്ന പ്രധാനമന്ത്രിയുടെ ആത്മനിര്‍ഭര്‍ കാഴ്ചപ്പാടിന്റെ സാക്ഷാത്കാരമാണിതെന്ന് അശ്വിനി വൈഷ്ണവ് പറഞ്ഞു.
ഇന്ത്യയില്‍ 5-ജി സേവനം ഓഗസ്ത്-സെപ്തംബര്‍ മാസത്തോടെ ആരംഭിച്ചേക്കുമെന്നാണ് റിപ്പോര്‍ട്ടുകള്‍. 5-ജി സേവനം സമയബന്ധിതമായി ആരംഭിക്കുന്നതിനുള്ള നടപടികള്‍ പുരോഗമിക്കുകയാണെന്ന് കേന്ദ്ര ടെലികോംമന്ത്രി അശ്വിനി വൈഷ്ണവ് നേരത്തെ അറിയിച്ചിരുന്നു. ജൂണ്‍ തുടക്കത്തില്‍ 5-ജി സ്‌പെക്‌ട്രം ലേലം ആരംഭിക്കുമെന്നും സൂചനകളുണ്ട്.
