![“Manju”](https://santhigirinews.org/wp-content/uploads/2020/04/YOUTUBE.jpg")
കോഴിക്കോട് : ശാന്തിഗിരി ആശ്രമം കക്കോടി ബ്രാഞ്ചില് ലോക പരിസ്ഥിതി ദിനാചരണത്തിന്റെ ഭാഗമായി ആശ്രമം ജനറല്‍ സെക്രട്ടറി സ്വാമി ഗുരുരത്നം ജ്ഞാനതപസ്വി മരം നട്ടു. കോഴിക്കോട് ഏരിയ ഇന്‍ചാര്‍ജ് സ്വാമി ഭക്തദത്തന്‍ ജ്ഞാനതപസ്വി, ആശ്രമ പ്രവര്‍ത്തകര്‍ എന്നിവര്‍ സന്നിഹിതരായിരുന്നു.
എല്ലാ വര്‍ഷവും ജൂണ്‍ 5 ന് ലോകമാകെ പരിസ്ഥിതി ദിനമായി ആചരിക്കുന്നു. പ്രകൃതിയില്‍ വര്‍ദ്ധിച്ചു വരുന്ന അന്തരീക്ഷ മലിനീകരണം വരുത്തുന്ന മാറ്റം ജീവജാലങ്ങളുടെ നിലനില്പിന് തന്നെ അപകടകരമാകുമെന്ന് മനസ്സിലാക്കിയാണ് യു.എന്‍.ഒ. ജൂണ്‍ 5 ന് പരിസ്ഥിതിയ്ക്കായി തിരഞ്ഞെടുത്തത്. അന്തരീക്ഷത്തില്‍ നഷ്ടമായിക്കൊരിക്കുന്ന ഓക്സിജന്റെ സന്തുലിതാവസ്ഥ നിലനിര്‍ത്തുന്നതിന് മരങ്ങള്‍ വഹിക്കുന്ന പങ്ക് നിസ്തുലമാണ്. മരങ്ങള്‍ നടുകയും പരിപാലിക്കുകയും ചെയ്യുന്നതിലൂടെ പ്രകൃതിയ്ക്ക് തണലൊരുക്കുവാനും മഴയുടെ ലഭ്യത ഉറപ്പാക്കുവാനും സാധിക്കുന്നു. സര്‍ക്കാര്‍ തലത്തിലും സന്നദ്ധ സംഘടനകളും ഇന്ന് വിവിധ പരിപാടികളാണ് സംസ്ഥാനത്ത് സംഘടിപ്പിച്ചിരിക്കുന്നത്.
