മുളങ്കുന്നത്തുകാവ് ഗ്രാമപഞ്ചായത്ത് ഇൻഡോർ സ്റ്റേഡിയം തദ്ദേശസ്വയംഭരണ വകുപ്പ് മന്ത്രി എ സി മൊയ്തീൻ കായിക പ്രേമികൾക്കായി തുറന്നു കൊടുത്തു

മുളങ്കുന്നത്തുകാവ് ഗ്രാമപഞ്ചായത്ത് ഇൻഡോർ സ്റ്റേഡിയം തദ്ദേശസ്വയംഭരണ വകുപ്പ് മന്ത്രി എ സി മൊയ്തീൻ കായിക പ്രേമികൾക്കായി തുറന്നു കൊടുത്തു. ജില്ലാ പഞ്ചായത്ത് പ്രസിഡൻറ് മേരി തോമസ് അധ്യക്ഷത വഹിച്ചു. മുളകുന്നത്തുകാവ് ഗ്രാമപഞ്ചായത്തിൽ കായികപ്രതിഭകളെ വളർത്തിയെടുക്കുന്നതിന് പഞ്ചായത്ത് ഗ്രൗണ്ടിന്റെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിനായി ജില്ലാ പഞ്ചായത്തിലെ 45 ലക്ഷം രൂപയും ഗ്രാമപഞ്ചായത്തിന്റെ വിഹിതമായ 8 ലക്ഷത്തി അമ്പതിനായിരം രൂപയും ചേർത്ത് 54 ലക്ഷം രൂപ ചിലവഴിച്ചാണ് ഇൻഡോർ സ്റ്റേഡിയവും വോളി ബോൾ കോർട്ടും നിർമാണം പൂർത്തീകരിച്ചത്. വോളിബോൾ കോർട്ട്, ജമ്പിങ് പിറ്റ് എന്നിവയും ചേർത്ത് കായിക പ്രേമികൾക്ക് ഏറെ പ്രയോജനകരമായ രീതിയിലാണ് സ്റ്റേഡിയം നിർമിച്ചിരിക്കുന്നത്.