![](https://i0.wp.com/santhigirinews.org/wp-content/uploads/2021/08/3-19.jpg?resize=780%2C470&ssl=1)
തിരുവനന്തപുരം: കോവിഡ് ലോക്ക്ഡൗണ് ലംഘിച്ചതിന് സര്ക്കാര് ജനങ്ങളില്നിന്നു പിഴയായി ഈടാക്കിയത് 125 കോടിയിലേറെ രൂപ. മെയ് എട്ടു മുതല് ഓഗസ്റ്റ് നാലിന് ഇളവുകള് പ്രഖ്യാപിച്ചതു വരെയുള്ള കണക്കാണിത്. പ്രമുഖ മാധ്യമം പ്രസിദ്ധീകരിച്ച റിപ്പോര്ട്ടിലാണ് ഇതുള്ളത്. ഇക്കാലയളവിനിടെ 17.75 ലക്ഷം കേസുകളാണ് പൊലീസ് രജിസ്റ്റര് ചെയ്തത്. ഇതില് 10.7 ലക്ഷം കേസുകള് മാസ്ക് ധരിക്കാത്തതിനു മാത്രമാണ്. പിഴയിനത്തില് ആകെ എത്ര ഈടാക്കിയെന്നു പൊലീസ് വെളിപ്പെടുത്തിയിട്ടില്ലെങ്കിലും 125 കോടി മുതല് 150 കോടി വരെയാണ് ഇതെന്നാണ് റിപ്പോര്ട്ട്.
ലോക്ക്ഡൗണ് ലംഘിച്ച് വാഹനം നിരത്തിലിറക്കിയതിന് രണ്ടായിരം രൂപ വച്ച് 46 കോടി പിഴ ഈടാക്കിയിട്ടുണ്ടെന്നാണ് റിപ്പോര്ട്ടില് പറയുന്നത്. ക്വാറന്റൈന് ലംഘനത്തിനും രണ്ടായിരം രൂപയാണ് പിഴ. സാമൂഹ്യ അകലം പാലിക്കാത്തതിനും കൂട്ടംകൂടിയതിനും അഞ്ഞൂറു മുതല് അയ്യായിരം വരെയാണ് പിഴ.