ക്വാഡ്: ബില്ലിന് യുഎസ് സഭയുടെ അംഗീകാരം

വാഷിങ്ടൻ ∙ ഇന്ത്യ, ഓസ്ട്രേലിയ, ജപ്പാൻ എന്നീ രാജ്യങ്ങളുമായുള്ള സഹകരണം ഉറപ്പുവരുത്തുന്ന ക്വാഡ് ബില്ലിന് യുഎസ് ജനപ്രതിനിധി സഭ വൻ ഭൂരിപക്ഷത്തോടെ അംഗീകാരം നൽകി.
ആരോഗ്യം, സൈബർ സുരക്ഷ, കാലാവസ്ഥ, സാങ്കേതിക വിദ്യ എന്നീ മേഖലകളിലെ സഹകരണത്തിനായി രൂപീകരിച്ച ചതുർരാഷ്ട്ര സഖ്യമാണ് ക്വാഡ്. ഇതിനായി 24 അംഗങ്ങളിൽ കൂടാതെയുള്ള പാർലമെന്ററി വർക്കിങ് ഗ്രൂപ്പിന് രൂപം നൽകാനും യുഎസ് സർക്കാരിന് ജനപ്രതിനിധി സഭ നിർദേശം നൽകി. 39ന് എതിരെ 379 വോട്ടിനാണ് ബിൽ പാസാക്കിയത്.  ഈ മേഖലകളിലെ ചൈനയുടെ മേധാവിത്വം തടയുക എന്ന ലക്ഷ്യത്തോടെയാണ് ക്വാഡ് സഖ്യത്തിന് രൂപം നൽകിയിട്ടുള്ളത്.