ജോസ് കെ. മാണി വന്നത് ഗുണമായി, ബിനോയ് വിശ്വം
തിരുവനന്തപുരം: കോട്ടയത്തെ മിന്നുന്ന വിജയം ജോസ് കെ. മാണിയുടെ വിജയമെന്ന് അവകാശപ്പെടേണ്ടതില്ലെന്ന് സിപിഐ നേതാവ് ബിനോയ് വിശ്വം. ജോസ് കെ. മാണിയെ ഒപ്പം കൂട്ടിയ മുന്നണിതീരുമാനം സംബന്ധിച്ച ചോദ്യത്തോടു പ്രതികരിക്കുകയായിരുന്നു അദ്ദേഹം.
കോട്ടയത്തെ മിന്നുന്ന വിജയം എല്ഡിഎഫിലെ ഓരോ ഘടകക്ഷിയുടെയും വിജയമാണത്. അല്ലാതെ വിജയത്തെ തരംതിരിച്ച് അവകാശപ്പെടുന്നതിനോട് യോജിപ്പില്ല. ഇതു നേരത്തെ തന്നെ മുന്നില്ക്കണ്ട വിജയമാണ്. അത്രയധികം നല്ല കാര്യങ്ങളാണ് ജനങ്ങള്ക്ക് വേണ്ടി സര്ക്കാര് ചെയ്തതെന്നും ബിനോയ് വിശ്വം പറഞ്ഞു. ജോസ് കെ. മാണി വിഭാഗം വന്നത് ഗുണം ചെയ്തിട്ടുണ്ട്. അതിനപ്പുറം അതിനെപ്പറ്റി അമിതമായി കൊട്ടിഘോഷിക്കേണ്ട കാര്യമില്ലെന്നും സിപിഐ നേതാവ് കൂട്ടിച്ചേര്ത്തു.