![](https://i0.wp.com/santhigirinews.org/wp-content/uploads/2024/05/kan.jpeg?resize=306%2C165&ssl=1)
77-ാം കാന് അന്താരാഷ്ട്ര ചലച്ചിത്രോത്സവത്തില് അഭിമാനമായി ഇന്ത്യയും മലയാളവും. മുംബൈ സ്വദേശിയായ പായല് കപാഡിയ എന്ന സംവിധായിക ഒരുക്കിയ ‘ഓള് വി ഇമാജിന് ആസ് ലൈറ്റ്‘ എന്ന ചിത്രത്തിനാണ് ഇത്തവണ മികച്ച രണ്ടാമത്തെ ചിത്രത്തിനുള്ള ഗ്രാന്ഡ് പ്രീ പുരസ്കാരം ലഭിച്ചത്. മലയാളത്തിലും ഹിന്ദിയിലും ഒരുക്കിയ ചിത്രത്തില് കേന്ദ്ര കഥാപാത്രങ്ങളായി എത്തിയത് മലയാളി താരങ്ങളായ ദിവ്യപ്രഭയും കനി കുസൃതിയുമാണ്. ഈ നേട്ടം സ്വന്തമാക്കുന്ന ആദ്യ ഇന്ത്യന് സിനിമയെന്ന ചരിത്ര നേട്ടവും ചിത്രം സ്വന്തമാക്കി. ആദ്യമായാണ് ഒരു ഇന്ത്യന് സംവിധായികയ്ക്ക് ഗ്രാന്ഡ് പ്രി ലഭിക്കുന്നത്.