ഗുരുവിനെ ലോകത്തെ അറിയിക്കുക എന്നത് ശിഷ്യന്റെ ഏറ്റവും വലിയ കടമ: സ്വാമി ചൈതന്യ ജ്ഞാനതപസ്വി

തലശ്ശേരി : ശാന്തിഗിരി ആശ്രമം തലശ്ശേരി ഏരിയിൽ ശാന്തിഗിരി ആശ്രമം സ്ഥാപക ഗുരു നവജ്യോതി ശ്രീകരുണാകരഗുരുവിന്റെ ജന്മദിനമായ നവപൂജിതം ആഘോഷങ്ങളോടനുബന്ധിച്ച് സാംസ്കാരിക സംഗമം നടന്നുവരുന്നു. ബുധനാഴ്ച വൈകിട്ട് 6.25 ന് വള്ള്യായി യൂണിറ്റിൽ നവപൂജിതം സാംസ്കാരിക സംഗമത്തിൽ ശാന്തിഗിരി ആശ്രമം പ്രസിഡന്റ് സ്വാമി ചൈതന്യ ജ്ഞാനതപസ്വി മുഖ്യപ്രഭാഷണം നടത്തി .

ഗുരുവിനെ ലോകത്തെ അറിയിക്കുക എന്നത് ശിഷ്യന്റെ ഏറ്റവും വലിയ കടമയാണെന്ന് സ്വാമി ഓർമ്മിപ്പിച്ചു. ചടങ്ങിൽ വിശ്വസാംസ്കാരിക നവോത്ഥാന കേന്ദ്രം തലശ്ശേരി ഏരിയ കമ്മിറ്റി അംഗം ശ്രീജിത്ത്. പി സ്വാഗതവും ശാന്തിഗിരി ആശ്രമം തലശ്ശേരി ഏരിയ ഇൻചാർജ്ജ് സ്വാമി ആത്മബോധ ജ്ഞാനതപസ്വി അധ്യക്ഷ സ്ഥാനവും അലങ്കരിച്ചു. ചടങ്ങിൽ മുരളീധരൻ എം ജനറൽ മേനേജർ കൃതഞ്ജതയും അറിയിച്ചു.