മുംബൈ: ചേതന് ശര്മയുടെ നേതൃത്വത്തിലുള്ള സീനിയര് സെലക്ഷന് കമ്മിറ്റിയെ പുറത്താക്കി ബി.സി.സി.ഐ. ട്വന്റി 20 ലോകകപ്പില് ഇന്ത്യ ഫൈനല് കാണാതെ പുറത്തായതിനു പിന്നാലെയാണ് നടപടി. ബിസിസിഐ വാര്ഷിക ജനറല് ബോഡി യോഗത്തിലാണ് തീരുമാനം. നാല് വര്ഷ കാലാവധിയാണ് സാധാരണയായി സീനിയര് ടീം സെലക്ടര്ക്ക് ലഭിക്കാറ്. സെലക്ഷൻ കമ്മിറ്റിയിലേക്ക് ബിസിസിഐ അപേക്ഷ ക്ഷണിച്ചു. നവംബർ 28ന് മുൻപായി അപേക്ഷ സമർപ്പിക്കണമെന്ന് ബിസിസിഐ ട്വിറ്റർ പോസ്റ്റിൽ പറയുന്നു.
ഓസ്ട്രേലിയയിൽ നടന്ന ടി20 ലോകകപ്പിന്റെ ഫൈനലിൽ ഇന്ത്യൻ ക്രിക്കറ്റ് ടീം പരാജയപ്പെട്ടതിനെ തുടർന്നാണ് ചേതൻ ശർമ്മയുടെ നേതൃത്വത്തിലുള്ള നാലംഗ സീനിയർ ദേശീയ സെലക്ഷൻ കമ്മിറ്റിയെ ബിസിസിഐ പുറത്താക്കിയത്.
ചേതൻ (നോർത്ത് സോൺ), ഹർവിന്ദർ സിംഗ് (സെൻട്ര സോൺ), സുനിൽ ജോഷി (സൗത്ത് സോൺ), ദേബാശിഷ് മൊഹന്തി (ഈസ്റ്റ് സോൺ) എന്നിവർ സീനിയർ ദേശീയ സെലക്ടർമാരായിരുന്നു. 2020-21 കാലയളവിലാണ് ചേതൻ ശർമയുടെ നേതൃത്വത്തിൽ സെലക്ഷൻ കമ്മിറ്റിയെ നിയോഗിച്ചത്. തുടർന്ന് നടന്ന രണ്ടു ട്വന്റി 20 ലോകകപ്പിലും ഇന്ത്യക്ക് ഫൈനലിൽ ഇടം പിടിക്കാൻ ആയിരുന്നില്ല.