പുതിയ മാർഗ്ഗനിർദ്ദേശങ്ങൾ പുറത്തിറങ്ങി

ശ്രീജ. എസ്

ന്യൂഡൽഹി: രാജ്യത്തെ കൊവിഡ് നിയന്ത്രണങ്ങളില്‍ ഇളവുകൾ അനുവദിച്ചുള്ള കേന്ദ്ര സർക്കാറിന്റെ പുതിയ മാർഗനിർദേശം പുറത്തിറങ്ങി. ഏപ്രിൽ 20 മുതൽ ഇളവുകൾ പ്രാബല്യത്തില്‍ വരും. അതേസമയം കൊവിഡ് ഹോട്ട്സ്പോട്ടായി തിരിച്ച പ്രദേശങ്ങളിലെ ഇളവുകള്‍ സംബന്ധിച്ച കാര്യങ്ങള്‍ സംസ്ഥാനങ്ങള്‍ക്ക് തീരുമാനിക്കാമെന്നും ഉത്തരവില്‍പറയുന്നു.

വിനോദ സഞ്ചാരികള്‍ താമസിക്കുന്ന സ്ഥലങ്ങളിലെ ഹോട്ടലുകളും ഹോംസ്‌റ്റേകളും പോസ്റ്റോഫീസുകളും തുറക്കാന്‍ അനുമതി നല്‍കി. . ഐ ടി സ്ഥാപനങ്ങള്‍ പ്രവര്‍ത്തിക്കാം, എന്നാല്‍ 50 ശതമാനം ജീവനക്കാരെ പാടുള്ളൂ . കമ്പോളങ്ങള്‍ തുറക്കാം. പൊതുഗതാഗത സംവിധാനം പ്രവർത്തിക്കില്ലെങ്കിലും ചരക്ക് ഗതാഗതത്തിന് അനുമതിയുണ്ട്.

സാമൂഹിക അകലം പാലിച്ച് തൊഴിലുറപ്പ് പദ്ധതി നടപ്പാക്കാം. രാജ്യത്തുടനീളം കൊറിയർ സർവീസുകള്‍ ഏപ്രിൽ 20 മുതൽ പ്രവർത്തനം ആരംഭിക്കും.

• റോഡ് നിർമാണം, കെട്ടിട നിർമാണം, ജലസേചന പദ്ധതി എന്നിവയ്ക്ക് അനുമതി.
• വിദ്യാഭ്യാസ സ്ഥാപനങ്ങൾ അടഞ്ഞുകിടക്കും
• തോട്ടങ്ങൾ തുറന്ന് പ്രവർത്തിക്കാൻ അനുമതി
• കേന്ദ്ര-സംസ്ഥാന സ്ഥാപനങ്ങൾ അടഞ്ഞുതന്നെ കിടക്കും
• വ്യോമ ,റെയിൽ വാഹന ഗതാഗതം മെയ് മൂന്നു വരെ പുനരാരംഭിക്കില്ല.
• അവശ്യവസ്തുക്കൾക്ക് നിലവിലുള്ള ഇളവുകൾ തുടരും.
• വ്യാപാര സ്ഥാപനങ്ങളും വ്യവസായ ശാലകളും അടഞ്ഞു കിടക്കും.
• പൊതു ആരാധന നടത്താൻ പാടില്ലെന്ന് നിർദേശം..
• മദ്യം, സിഗരറ്റ് വില്‍പനയ്ക്ക് നിരോധനം.
• പൊതുസ്ഥലങ്ങളിലും ജോലി സ്ഥലങ്ങളിലും മുഖാവരണം നിര്‍ബന്ധം.
• മെഡിക്കല്‍ ലാബുകള്‍ക്ക് തുറക്കാം
• ആരാധനാലയങ്ങള്‍ തുറക്കരുത്.
• ബാറുകളും മാളുകളും തിയറ്ററുകളും തുറക്കരുത് .
• മരണം, വിവാഹം എന്നീ ചടങ്ങുകള്‍ക്ക് നിയന്ത്രണം..
• ക്ഷീരം, മത്സ്യം, കോഴിവളത്തല്‍ മേഖലകളിലുള്ളവര്‍ക്ക്‌ യാത്രാനുമതി..
• പൊതുസ്ഥലത്ത് തുപ്പുന്നത് കുറ്റകരമാകും.
• അത്യാവശ്യ സാഹചര്യങ്ങളില്‍ സ്വകാര്യ വാഹനങ്ങള്‍ ഉപയോഗിക്കാം.