സിന്ധുമോള് ആര്
മുംബൈ: നിസര്ഗ ചുഴലികൊടുങ്കാറ്റിനെ തുടര്ന്ന് മുംബൈ വിമാനത്താവളം ബുധനാഴ്ച വൈകുന്നേരം ഏഴ് മണി വരെ അടച്ചു. വിമാനത്താവളത്തില് വിമാനങ്ങള് ഇറങ്ങുന്നതിനും പറന്നുപൊങ്ങുന്നതിനും വൈകുന്നേരം ഏഴുവരെ അനുമതിയില്ലെന്ന് വിമാനത്താവളം അധികൃതര് അറിയിച്ചു.
ബംഗളൂരുവില് നിന്നുള്ള വിമാനം റണ്വെയില് തെന്നിനീങ്ങിയതോടെയാണ് വിമാനത്താവളം അടച്ചത്. വിമാനം ഇറങ്ങുമ്പോഴും പറന്നുയരുമ്പോഴും ശക്തമായ കാറ്റ് തടസം സൃഷ്ടിക്കുമെന്നതിനാലാണ് തീരുമാനമെന്ന് വിമാനത്താവള അധികൃതര് പറഞ്ഞു.
മഹാരാഷ്ട്രയില് ചുഴലിക്കൊടുങ്കാറ്റ് 100-110 കിലോമീറ്റര് വേഗത്തിലാണ് വീശുന്നത്. ദക്ഷിണ മുംബൈയില് കാറ്റ് ശക്തമാണ്. വടക്കന് തീരത്ത് ശക്തമായ കടല്ക്ഷോഭം ആരംഭിച്ചു. ഉച്ചക്ക് ഒന്നോടെയാണ് ചുഴലികൊടുങ്കാറ്റ് മഹാരാഷ്ട്രയില് പ്രവേശിച്ചത്.