സിന്ധുമോള് ആര്
കല്ലമ്പലം : വിദ്യാര്ത്ഥികള്ക്ക് കൈത്താങ്ങായി മരുതിക്കുന്ന് ബി.വി.യു.പി സ്കൂളിലെ അദ്ധ്യാപകര്. കഴിഞ്ഞ മൂന്നുമാസമായി സാമ്പത്തികമായി പിന്നോക്കം നില്ക്കുന്ന കുട്ടികളുടെ വീട്ടിലെത്തി ആവശ്യ സാധനങ്ങള് വിതരണം ചെയ്തുവരികയാണിവര്. ശമ്പളത്തിന്റെ ഒരു ഭാഗം മാറ്റിവച്ചാണ് ഈ കാരുണ്യ പ്രവര്ത്തനം നടത്തുന്നത്. 26 കുട്ടികളുടെ വീടുകളില് ഇതിനോടകം സഹായമെത്തിച്ചു. ഓണ്ലൈന് ക്ലാസ് ലഭ്യമാകാത്ത കുട്ടികളെ കണ്ടെത്തി പൂര്വ വിദ്യാര്ത്ഥികളുടെ സഹായത്തോടെ അതാത് മേഖലകളില് ക്ലാസ് ലഭ്യമാക്കാനുള്ള നടപടികള് ഹെഡ്മാസ്റ്റര് സാംകുട്ടിയും, പി.ടി.എ പ്രസിഡന്റ് ബഷീറുദ്ദീനും,അദ്ധ്യാപകരും ചേര്ന്ന് ക്രമീകരിച്ചു.