ശ്രീജ.എസ്
ചവറ: വിദ്യാര്ഥികളെ ലക്ഷ്യമിട്ട് മണി ചെയിന് തട്ടിപ്പ് വീണ്ടും സജീവമായി. വാഗ്ദാനങ്ങള് വാട്സ്ആപ് സന്ദേശങ്ങളായി നല്കിയാണ് അന്താരാഷ്ട്ര തലത്തില് പ്രവര്ത്തിക്കുന്ന കമ്പനിയെന്ന അവകാശവാദത്തോടെ ഇടപാട് നടത്തുന്നത്. 1200 രൂപ കമ്പനിയില് അടച്ചാല് ബിസിനസില് കണ്ണിചേരാം. ഓരോരുത്തരേയും 1200 രൂപ നല്കുന്ന പ്ലാനില് ചേര്ത്താല് ദിവസവും നൂറ് രൂപ അക്കൗണ്ടില് വരുമെന്നാണ് വാഗ്ദാനം. പ്ലസ് വണ് മുതല് ഡിഗ്രി, പ്രഫഷനല് കോഴ്സുകളില് പഠിക്കുന്ന വിദ്യാര്ഥികളെ ലക്ഷ്യമിട്ടാണ് ഇൗ പ്ലാന്.