![“Manju”](https://santhigirinews.org/wp-content/uploads/2020/04/YOUTUBE.jpg")
അനൂപ് എം സി
കാസർഗോഡ്:ഇന്ന് (ജൂണ്‍ 18) ജില്ലയില്‍ വിദേശത്ത് നിന്ന് എത്തിയ മൂന്ന് പേര്‍ക്ക് കൂടി കോവിഡ് പോസിറ്റീവായി. ജൂണ്‍ 10 ന് ഷാര്‍ജയില്‍ നിന്ന് വന്ന 27 വയസുള്ള ഉദുമ പഞ്ചായത്ത് സ്വദേശി, മെയ് 26 ന് കുവൈത്തില്‍ നിന്നെത്തിയ 43 വയസുള്ള ചെങ്കള പഞ്ചായത്ത് സ്വദേശി, ജൂണ്‍ 14 ന് കുവൈത്തില്‍ നിന്ന് വന്ന 36 വയസുള്ള പടന്ന പഞ്ചായത്ത് സ്വദേശി എന്നിവര്‍ക്കാണ് കോവിഡ് പോസിറ്റീവയതെന്ന് ഡി എം ഒ ഡോ എ വി രാംദാസ് അറിയിച്ചു.
11 പേര്‍ക്ക് കോവിഡ് നെഗറ്റീവായി
ഉദയഗിരി സി എഫ് എല്‍ ടി സി, പടന്നക്കാട് കോവിഡ് ചികിത്സാ കേന്ദ്രം, കാസര്‍കോട് മെഡിക്കല്‍ കോളേജ് എന്നിവിടങ്ങളില്‍ കോവിഡ് ചികിത്സയിലായിരുന്ന 11 പേര്‍ക്ക് കോവിഡ് നെഗറ്റീവായി.
ഉദയഗിരി സി എഫ് എല്‍ ടി സിയില്‍ നിന്ന് രോഗമുക്തി നേടിയവര്‍
മഹാരാഷ്ട്രയില്‍ നിന്ന് വന്ന് മെയ് 31 ന് കോവിഡ് സ്ഥിരീകരിച്ച 30 വയസുള്ള കാസര്‍കോട് നഗരസഭാ സ്വദേശി, 23 വയസുള്ള മധുര്‍ പഞ്ചായത്ത് സ്വദേശി എന്നിവര്‍ക്കും മഹാരാഷ്ട്രയില്‍ നിന്ന് ജൂണ്‍ ഒന്നിന് കോവിഡ് പോസിറ്റീവായ 38 വയസുള്ള കാസര്‍കോട് നഗരസഭാ സ്വദേശി, 54 വയസുള്ള മംഗല്‍പാടി പഞ്ചായത്ത് സ്വദേശി, 45 വയസുള്ള കുമ്പള പഞ്ചായത്ത് സ്വദേശി, 39 വയസുള്ള പൈവളിഗെ സ്വദേശി എന്നിവര്‍ക്ക് രോഗം ഭേദമായി.
പടന്നക്കാട് കോവിഡ് ചികിത്സാ കേന്ദ്രത്തില്‍ നിന്ന് രോഗമുക്തി നേടിയവര്‍
ജൂണ്‍ ഒന്നിന് കോവിഡ് പോസിറ്റീവായ ഷാര്‍ജയില്‍ നിന്ന് വന്ന 48 വയസുള്ള ഉദുമ പഞ്ചായത്ത് സ്വദേശി, കുവൈത്തില്‍ നിന്നെത്തിയ 24 വയസുള്ള പുല്ലൂര്‍ പെരിയ സ്വദേശി എന്നിവര്‍ക്കും മഹാരാഷ്ട്രയില്‍ നിന്നെത്തി ജൂണ്‍ രണ്ടിന് രോഗം സ്ഥിരീകരിച്ച 41 വയസുള്ള കുംബഡാജെ പഞ്ചായത്ത് സ്വദേശി, ജൂണ്‍ ആറിന് രോഗം സ്ഥിരീകരിച്ച 34 വയസുള്ള കുംബഡാജെ പഞ്ചായത്ത് സ്വദേശി എന്നിവര്‍ക്ക് രോഗം ഭേദമായി.
കാസര്‍കോട് മെഡിക്കല്‍ കോളേജില്‍ നിന്ന് രോഗമുക്തി നേടിയ ആള്‍
ഖത്തറില്‍ നിന്ന് വന്ന് മെയ് 26 കോവിഡ് പോസിറ്റീവായ 38 വയസുള്ള മടിക്കൈ സ്വദേശിയ്ക്കും കോവിഡ് നെഗറ്റീവായി.
ജില്ലയില്‍ നിരീക്ഷണത്തിലുള്ളത് 3682 പേര്‍
വീടുകളില്‍ 3351 പേരും സ്ഥാപന നിരീക്ഷണത്തില്‍ 331 പേരുമടക്കം ജില്ലയില്‍ 3682 പേരാണ് നിരീക്ഷണത്തിലുള്ളത്. പുതിയതായി 228 പേരുടെ സാമ്പിളുകള്‍ പരിശോധനയ്ക്ക് അയച്ചു. 362 പേരുടെ ഫലം ലഭിക്കാനുണ്ട്. പുതിയതായി ആശുപത്രികളിലും കോവിഡ് സെന്ററുകളിലുമായി 40 പേരെ നിരീക്ഷണത്തില്‍ പ്രവേശിപ്പിച്ചു. 228 പേര്‍ നിരീക്ഷണ കാലയളവ് പൂര്‍ത്തിയാക്കി.
