കമല ഹാരിസിനെ ഡെമോക്രാറ്റിക് വൈസ് പ്രസിഡന്റ് സ്ഥാനാര്ഥിയായി പ്രഖ്യാപിച്ചു
സ്റ്റാഫ് റിപ്പോര്ട്ടര്
വാഷിംഗ്ടണ് ഡിസി: ഇന്ത്യന് വംശജ കമല ഹാരിസ്(55) അമേരിക്കന് തെരഞ്ഞെടുപ്പില് ഡെമോക്രാറ്റിക് പാര്ട്ടിയുടെ വൈസ് പ്രസിഡന്റ് സ്ഥാനാര്ഥിയായി പ്രഖ്യാപിച്ചു. അമേരിക്കയുടെ മൂല്യങ്ങള് സംരക്ഷിക്കുമെന്ന് കമല ഹാരിസ് പറഞ്ഞു. അമേരിക്ക തൊഴില് നഷ്ടത്തിന്റെയും ജീവനഷ്ടത്തിന്റെയും രാജ്യമായി. ദയയും സ്നേഹവും മനുഷ്യത്വവുമുള്ള രാഷ്ട്രം കെട്ടിപ്പടുക്കുമെന്നും അവര് പറഞ്ഞു.
ഏഷ്യന്-ആഫ്രിക്കന് പാരന്പര്യമുള്ള ഒരു വനിത ഈ പദവിയില് മത്സരിക്കുന്നത് ഇതാദ്യമാണ്. ചെന്നൈ സ്വദേശിനിയായ ഡോ. ശ്യാമള ഗോപാലന് ആണു കമലയുടെ അമ്മ. പിതാവ് ജമൈക്കയില്നിന്ന് അമേരിക്കയിലേക്കു കുടിയേറിയ ഡോണള്ഡ് ഹാരിസ്.