ശ്രീജ. എസ്
ജയ്പൂര്: ഉദയ്പൂരിലെ ജിങ്കലാ ഗ്രാമത്തിലാണ് കര്ഷകനായ പേമാരാം പട്ടേലിനാണ് 3.71 കോടി രൂപയുടെ കറണ്ട് ബില് വന്നത്. രണ്ട് മാസത്തിനുള്ളില് 38,514,098 യൂണിറ്റ് വൈദ്യുതി ഉപയോഗിച്ചതായും ബില്ലില് പറയുന്നു.
പട്ടേല് തന്റെ കെട്ടിടം ഓട്ടോ സര്വീസ് സെന്റര് നടത്തുന്നതിനായി വാടകയ്ക്ക് നല്കിയിരുന്നു. ഇവിടെയാണ് വന് തുക കറണ്ട് ബില് വന്നതെന്ന് റിപ്പോര്ട്ട് ചെയ്യുന്നു. അജ്മീര് വിദ്യുത് വിത്രന് നിഗം ലിമിറ്റഡാണ് ബില് നല്കിയത്.
ബില് ലഭിച്ചതിന് പിന്നാലെ രാജസ്ഥാന് സര്ക്കാറിന്റെ ഇ-ഗവേണ്സ് സെന്ററായ ഇ-മിത്രയിലെത്തി പട്ടേല് പരിശോധന നടത്തി. പ്രിന്റിംഗില് വന്ന തെറ്റാണെന്നായിരുന്നു ഇവരുടെ വിശദീകരണം. പിന്നാലെ ഇ-മിത്രയില്വെച്ച് ബില് 6,414 രൂപയാക്കി കുറച്ച് കൊടുക്കുകയും ചെയ്തു.