സമരങ്ങള്ക്കെതിരെ വിമര്ശനവുമായി ആരോഗ്യമന്ത്രി
![](https://i0.wp.com/santhigirinews.org/wp-content/uploads/2020/05/91972-shailaja.jpg?resize=700%2C400&ssl=1)
ശ്രീജ.എസ്
തിരുവനന്തപുരം: സംസ്ഥാനത്ത് നടക്കുന്ന സമരങ്ങള്ക്കെതിരെ വിമര്ശനവുമായി ആരോഗ്യമന്ത്രി കെ.കെ. ഷൈലജ. സംസ്ഥാനത്തെ പ്രതിഷേധ സമരങ്ങള് വലിയ പ്രതിസന്ധിയാണ് സൃഷ്ടിക്കുന്നത്. ആയിരക്കണക്കിന് ആളുകള് സമരത്തില് പങ്കെടുക്കുന്നത് രോഗവ്യാപനം ഉണ്ടാകുന്ന സ്ഥിതിയാണെന്നും മന്ത്രി പറഞ്ഞു.
ആരോഗ്യ വകുപ്പിന്റെ നിര്ദ്ദേശം ലംഘിക്കുകയാണ് പ്രതിഷേധക്കാര് ചെയ്യുന്നത്. ഗുരുതരമായ ശിക്ഷ കൊടുക്കേണ്ട കുറ്റകൃത്യമാണ് ഇതെന്നും മന്ത്രി പറഞ്ഞു.
ഏഴ് മാസത്തെ പ്രവര്ത്തനത്തിന്റെ ഫലം അപകടത്തില് ആക്കരുതെന്നും ആളുകളെ കൂട്ടത്തോടെ മരണത്തിന് വിട്ടു കൊടുക്കരുതെന്നും മന്ത്രി പറഞ്ഞു. സമരക്കാരെ പറഞ്ഞ് മനസിലാക്കണമെന്നും മന്ത്രി ആവശ്യപ്പെട്ടു.
കേരളത്തിലെ വൈറസിന് ജനിതക വ്യതിയാനം സംഭവിച്ചിട്ടുണ്ട്. കേരളത്തില് വൈറസിന് വ്യാപനശേഷി കൂടുതലാണ് എന്നാണ് ഗവേഷണ ഫലത്തില് കണ്ടെത്തിയിരിക്കുന്നതെന്നും മന്ത്രി കൂട്ടിച്ചേര്ത്തു.