![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
കൊല്‍ക്കത്ത : ഒരു അല്‍ക്വയ്ദ ഭീകരന്‍ കൂടി ദേശീയ അന്വേഷണ ഏജന്‍സി (എന്‍ഐഎ)യുടെ പിടിയില്‍. പശ്ചിമബംഗാളില്‍ മൂര്‍ഷിദാബാദ് ജില്ലയില്‍നിന്ന് ഷമിം അന്‍സാരി എന്നയാളെയാണ് പിടികൂടിയത്. ഷമീം കേരളത്തിലും ജോലി ചെയ്തിരുന്നതായി എന്‍ഐഎ അറിയിച്ചു. ഒരാഴ്ച മുമ്പ് എന്‍ഐഎ ബംഗാളിലും കൊച്ചിയിലുമായി 12 സ്ഥലങ്ങളില്‍ നടത്തിയ റെയ്ഡില്‍ കൊച്ചിയില്‍നിന്ന് മൂന്നും ബംഗാളില്‍നിന്നും ആറും ഭീകരരെ പിടികൂടിയിരുന്നു. കേരളത്തില്‍ പിടിയിലായ എല്ലാവരും ബംഗാള്‍ സ്വദേശികളായിരുന്നു.
പെരുമ്പാവൂര്‍, മുര്‍ഷിദാബാദ് എന്നിവിടങ്ങളില്‍ നിന്നും അറസ്റ്റിലായ 9 അല്‍ ഖ്വയ്‌ദ തീവ്രവാദികളെ നേരത്തെ ഡല്‍ഹി ഹൈക്കോടതി എന്‍ഐഎ കസ്റ്റഡിയില്‍ വിട്ടു. പാകിസ്ഥാന്‍ അല്‍ ഖ്വയ്‌ദ നേതൃത്വവുമായി ബന്ധപ്പെട്ടുവെന്ന് എന്‍ഐഎ കണ്ടെത്തി. ഇതിന്റെ നിരവധി തെളിവുകള്‍ അന്വേഷണസംഘം ഹാജരാക്കിയിരുന്നു. എന്‍ഐഎ ചോദ്യം ചെയ്യലിനായി കൂടുതല്‍ സമയം ആവശ്യപ്പെട്ടിരിക്കുകയാണ്. സംഘത്തലവന്‍ മുര്‍ഷിദ് ഹുസൈനും ഉള്‍പ്പെടുന്നതിനാലാണ് എറണാകുളം നിന്നുള്ള സംഘത്തെ ചോദ്യം ചെയ്യാന്‍ എന്‍ഐഎ കൂടുതല്‍ സമയം ആവശ്യപ്പെട്ടത്.
