പ്രവാസികളുടെ മക്കള്ക്ക് മെഡിക്കല് പ്രവേശനം; വഴികാണിക്കാന് വെബിനാര് ഇന്ന്
സിന്ധുമോൾ. ആർ
ദുബൈ: എം.ബി.ബി.എസ്, ബി.ഡി.എസ് പ്രവേശനത്തിനായി കാത്തിരിക്കുന്ന വിദ്യാര്ഥികള്ക്കും പ്രവാസി രക്ഷിതാക്കള്ക്കുമായി ഗള്ഫ് മാധ്യമത്തിന്റെ ആതിഥേയത്വത്തില് ലിങ്ക് ഇന്ത്യ സംഘടിപ്പിക്കുന്ന വെബിനാര് ശനിയാഴ്ച നടക്കും.യു.എ.ഇയിലും ഒമാനിലും വൈകീട്ട് 4.30നും സൗദി, ഖത്തര്, ബഹ്റൈന്, കുവൈത്ത് എന്നിവിടങ്ങളില് 3.30നും ഇന്ത്യയില് ആറുമണിക്കും വെബിനാര് വീക്ഷിക്കാം. madhyamam.com/eduwebinar ലിങ്ക് വഴി സൗജന്യമായി രജിസ്റ്റര് ചെയ്ത് വെബിനാറില് പങ്കാളിയാവാം. നീറ്റ് പരീക്ഷയെഴുതിയ വിദ്യാര്ഥികള്ക്കും ഭാവിയില് മെഡിക്കല് മേഖല തിരഞ്ഞെടുക്കാന് ആഗ്രഹിക്കുന്നവര്ക്കും ഉപകാരപ്രദമാകുന്ന രീതിയിലാണ് വെബിനാര് സംഘടിപ്പിച്ചിരിക്കുന്നത്.
പ്രധാനമായും പ്രവാസി രക്ഷിതാക്കള്ക്കാണ് വെബിനാര് ഏറെ ഗുണം ചെയ്യുക. എന്.ആര്.ഐ ക്വോട്ടയുടെ സാധ്യതകളെ കുറിച്ചും സ്വീകരിക്കേണ്ട മാര്ഗങ്ങളെ കുറിച്ചും വെബിനാറില് വിശദമാക്കും. പ്രവാസി രക്ഷിതാക്കള്ക്കും വിദ്യാര്ഥികള്ക്കും ആശങ്കകള് പങ്കുവെക്കാനും സംശയദൂരീകരണത്തിനും അവസരമുണ്ടാകും. സീറ്റ് തട്ടിപ്പിന്റെ ചതിക്കുഴികളില് വീഴാതിരിക്കാനുള്ള നിര്ദേശങ്ങളും പങ്കുവെക്കും. നീറ്റ് പരീക്ഷ ഫലം വന്ന ശേഷം വിദ്യാര്ഥികളുടെ മുന്നിലെ സാധ്യതകള്, ലഭിച്ച സ്കോറും ബഡ്ജറ്റും അനുസരിച്ച് എവിടെയൊക്കെ പ്രവേശനം ലഭിക്കും, മാര്ക്കും റാങ്കും തമ്മിലുള്ള വ്യത്യാസം, ഓള് ഇന്ത്യ േക്വാട്ട പ്രവേശനം, വിവിധ സംസ്ഥാനങ്ങളിലെ മെഡിക്കല് പ്രവേശന സാധ്യതകള്, യോഗ്യത മാനദണ്ഡങ്ങളും സംവരണവും തുടങ്ങിയ വിഷയങ്ങള് വെബിനാറില് ചര്ച്ച ചെയ്യും.
എന്.ആര്.ഐകള്ക്കായി വിദ്യാഭ്യാസ മേഖലയില് പ്രത്യേകം സീറ്റുകള് നീക്കിവെച്ചിട്ടുണ്ട്. മെറിറ്റില് ഇടം ലഭിക്കാത്ത വിദ്യാര്ഥികള്ക്ക് എന്.ആര്.ഐ ക്വോട്ടകള് വഴി പ്രവേശനം നേടാന് കഴിയും. എന്നാല്, പല രക്ഷിതാക്കള്ക്കും ഇതിന്റെ വഴികള് അറിയാത്തതാണ് തടസ്സമാകുന്നത്. ഇത് മക്കളുടെ ഭാവിയെതന്നെ ബാധിക്കുന്നു. ഇത്തരം നഷ്ടങ്ങളില്നിന്ന് ഭാവിതലമുറയെ സംരക്ഷിക്കുക എന്ന ലക്ഷ്യത്തോടെയാണ് വെബിനാര്. വിദഗ്ധ പരിശീലകനായ കരിയര് ലിങ്ക്സ് അക്കാദമി സി.ഇ.ഒ അജയ് പത്മനാഭനാണ് വെബിനാറിന് നേതൃത്വം നല്കുന്നത്. [email protected] എന്ന ഇ-മെയില് വിലാസത്തിലും +971 588135882 എന്ന വാട്സ്ആപ് നമ്പറിലും രജിസ്ട്രേഷന് സൗകര്യമുണ്ട്.