അങ്കണവാടികെട്ടിടം സാമൂഹികവിരുദ്ധരുടെ താവളമായതായി പരാതി
ശ്രീജ.എസ്
വെഞ്ഞാറമൂട്: വാമനപുരം പഞ്ചായത്തിലെ നൂറ്റിപ്പതിനൊന്നാം നമ്പര് അങ്കണവാടികെട്ടിടം സാമൂഹികവിരുദ്ധരുടെ താവളമായതായി പരാതി. 2015 അങ്കണവാടി കെട്ടിടത്തിന് ബലക്ഷയമുണ്ടെന്ന് കാണിച്ച് വാര്ഡ് മെമ്പറുടെ നേതൃത്വത്തില് ഇവിടെ പ്രവര്ത്തിച്ചിരുന്ന അങ്കണവാടി സമീപത്തുള്ള ഒരു വീട്ടിലേക്ക് മാറ്റിയിരുന്നു.
കഴിഞ്ഞ നാല് വര്ഷമായി കെട്ടിടത്തിന് കേടുപാടുകള് തീര്ക്കാനോ പുതിയ കെട്ടിടം നിര്മിക്കാനോ അധികൃതര് തയാറായിട്ടില്ലെന്ന്നാട്ടുകാര് പറയുന്നു. ഉപേക്ഷിക്കപ്പെട്ട നിലയില് കിടക്കുന്ന കെട്ടിടം കാടുകയറിയും സാമൂഹിക വിരുദ്ധരുടെയും, മദ്യപാനികളുടെയും സങ്കേതമാണെന്നും അടിയന്തരമായി കെട്ടിടം പുനര്നിര്മിക്കണമെന്ന്കോണ്ഗ്രസ് വാമനപുരം മണ്ഡലം കമ്മിറ്റി ആവശ്യപ്പെട്ടു. അനാസ്ഥ തുടര്ന്നാല് പ്രതിഷേധ പരിപാടികളുമായി മുന്നോട്ടുപോകുമെന്ന് വാര്ഡ് കോണ്ഗ്രസ് കമ്മിറ്റി പ്രസിഡന്റ് ഷൈജു വാമനപുരം അറിയിച്ചു.