51 താല്‍ക്കാലിക ഡ്രൈവര്‍മാരെ സ്ഥിരപ്പെടുത്താനുള്ള നീക്കത്തിന് സ്​റ്റേ

സിന്ധുമോൾ. ആർ

തി​രു​വ​ന​ന്ത​പു​രം: പി.​എ​സ്.​സി റാ​ങ്ക്​ ലി​സ്​​റ്റ്​ നി​ല​നി​ല്‍​ക്കേ പ​ഞ്ചാ​യ​ത്തു​ക​ളി​ലെ താ​ല്‍​ക്കാ​ലി​ക ഡ്രൈ​വ​ര്‍​മാ​രെ സ്ഥി​ര​പ്പെ​ടു​ത്താ​നു​ള്ള സ​ര്‍​ക്കാ​ര്‍ തീ​രു​മാ​ന​ത്തി​ന് തി​രി​ച്ച​ടി. 51 താ​ല്‍​ക്കാ​ലി​ക ഡ്രൈ​വ​ര്‍​മാ​രെ പി​ന്‍​വാ​തി​ലി​ലൂ​ടെ സ്ഥി​ര​പ്പെ​ടു​ത്തി​യ മ​ന്ത്രി​സ​ഭ തീ​രു​മാ​നം കേ​ര​ള അ​ഡ്മി​നി​സ്ട്രേ​റ്റി​വ് ട്രൈ​ബ്യൂ​ണ​ല്‍ ര​ണ്ട്​ മാ​സ​ത്തേ​ക്ക് സ്​​റ്റേ ചെ​യ്തു.

സ​ര്‍​ക്കാ​റി​നോ​ട് വി​ശ​ദീ​ക​ര​ണ​വും തേ​ടി. ക​ണ്ണൂ​ര്‍, ഇ​ടു​ക്കി, കോ​ഴി​ക്കോ​ട്, കോ​ട്ട​യം, കൊ​ല്ലം ജി​ല്ല​ക​ളി​ല്‍ നി​ന്നു​ള്ള റാ​ങ്ക് ഹോ​ള്‍​ഡേ​ഴ്സ് പ്ര​തി​നി​ധി​ക​ള്‍ ഫ​യ​ല്‍ ചെ​യ്ത ഹര്‍​ജി​യി​ലാ​ണ് ട്രൈ​ബ്യൂ​ണ​ല്‍ ന​ട​പ​ടി. പ​ത്തു​വ​ര്‍​ഷം സേ​വ​നം പൂ​ര്‍​ത്തി​യാ​ക്കി​യ 51 താ​ല്‍​കാ​ലി​ക​ക്കാ​രെ​യാ​ണ് സൂ​പ്പ​ര്‍ ന്യൂ​മ​റ​റി ത​സ്കി​ക സൃ​ഷ്​​ടി​ച്ച്‌ സ്ഥി​ര​പ്പെ​ടു​ത്താ​ന്‍ ക​ഴി​ഞ്ഞ മ​ന്ത്രി​സ​ഭ യോ​ഗം തീ​രു​മാ​നി​ച്ച​ത്. സേ​വ​നം അ​നു​ഷ്ഠി​ക്കു​ന്ന ഗ്രാ​മ​പ​ഞ്ചാ​യ​ത്തു​ക​ളി​ലോ ന​ഗ​ര​സ​ഭ​ക​ളി​ലോ എ​ല്‍.​ഡി.​വി ഡ്രൈ​വ​ര്‍ ഗ്രേ​ഡ് ര​ണ്ട് ത​സ്തി​യി​ല്‍ നി​യ​മി​ക്കാ​നാ​യി​രു​ന്നു തീ​രു​മാ​നം.

ഇ​തി​നെ​തി​രെ യൂ​ത്ത് കോ​ണ്‍​ഗ്ര​സ് സം​സ്ഥാ​ന പ്ര​സി​ഡ​ന്‍​റ്​ ഷാ​ഫി പ​റ​മ്പി​ല്‍, വൈ​സ്​ പ്ര​സി​ഡ​ന്‍​റ്​ കെ.​എ​സ്. ശ​ബ​രീ​നാ​ഥ്, ജ​ന​റ​ല്‍ സെ​ക്ര​ട്ട​റി ഫൈ​സ​ല്‍ കു​ള​പ്പാ​ടം എ​ന്നി​വ​ര്‍ എ​ല്‍.​ഡി.​വി ഡ്രൈ​വ​ര്‍ റാ​ങ്ക് ഹോ​ള്‍​ഡേ​ഴ്സു​മാ​യി ബ​ന്ധ​പ്പെ​ട്ട്‌ ന​ട​ത്തി​യ നി​യ​മ​ന​ട​പ​ടി​ക​ളാ​ണ് സ​ര്‍​ക്കാ​റി​ന് തി​രി​ച്ച​ടി​യാ​യ​ത്. പാ​ല​ക്കാ​ട്, വ​യ​നാ​ട്, കാ​സ​ര്‍​കോ​ട് ഒ​ഴി​കെ ജി​ല്ല​ക​ളി​ല്‍ എ​ല്‍.​ഡി.​വി ഗ്രേ​ഡ് 2ന് ​പി.​എ​സ്.​സി റാ​ങ്ക് പ​ട്ടി​ക നി​ല​വി​ലു​ണ്ട്. 2018 ഫെ​ബ്രു​വ​രി ആ​റി​ന് നി​ല​വി​ല്‍ വ​ന്ന റാ​ങ്ക് പ​ട്ടി​ക​ക്ക് ഇ​നി മൂ​ന്ന് മാ​സ​മേ കാ​ലാ​വ​ധി​യു​ള്ളൂ.

റാ​ങ്ക് പ​ട്ടി​ക നി​ല​വി​ല്‍​വ​ന്ന്​ മൂ​ന്നു​വ​ര്‍​ഷ​മാ​യി​ട്ടും 14 ജി​ല്ല​ക​ളി​ലാ​യി 1046 നി​യ​മ​ന​മാ​ണ് ന​ട​ന്ന​ത്. നേ​ര​ത്തെ 2000 മു​ത​ല്‍ 3000 വ​രെ നി​യ​മ​നം ന​ട​ന്ന സ്ഥാ​ന​ത്താ​ണി​ത്. 11 ജി​ല്ല​ക​ളു​ടെ റാ​ങ്ക് പ​ട്ടി​ക ഫെ​ബ്രു​വ​രി അ​ഞ്ചി​ന് റ​ദ്ദാ​കും. തി​രു​വ​ന​ന്ത​പു​ര​ത്ത് പി.​എ​സ്.​സി​യി​ല്‍​പോ​ലും താ​ല്‍​ക്കാ​ലി​കാ​ടി​സ്ഥാ​ന​ത്തി​ലാ​ണ് ഡ്രൈ​വ​ര്‍​മാ​രെ നി​യ​മി​ക്കു​ന്ന​തെ​ന്ന് ഉ​ദ്യോ​ഗാ​ര്‍​ഥി​ക​ള്‍ ആ​രോ​പി​ക്കു​ന്നു.

തി​രു​വ​ന​ന്ത​പു​ര​ത്ത് 172 പേ​ര്‍​ക്കാ​ണ് ഇ​തു​വ​രെ നി​യ​മ​ന ശി​പാ​ര്‍​ശ ന​ല്‍​കി​യ​ത്. ജൂ​ണി​ലാ​ണ് അ​വ​സാ​നം നി​യ​മ​ന ശി​പാ​ര്‍​ശ അ​യ​ച്ച​ത്. 214 നി​യ​മ​ന ശി​പാ​ര്‍​ശ ന​ട​ന്ന എ​റ​ണാ​കു​ള​മാ​ണ് മു​ന്നി​ല്‍. പി.​എ​സ്.​സി റാ​ങ്ക് നി​ല​നി​ല്‍​ക്കെ പി​ന്‍​വാ​തി​ല്‍ സ്ഥി​ര​പ്പെ​ടു​ത്ത​ല്‍ ന​ട​ന്ന​ത് നി​യ​മ​വി​രു​ദ്ധ​മാ​യാ​ണെ​ന്ന് തെ​ളി​ഞ്ഞ​താ​യും എ​ണ്ണൂ​റി​ല​ധി​കം പ​ഞ്ചാ​യ​ത്തു​ക​ളി​ല്‍ താ​ല്‍​ക്കാ​ലി​ക ഡ്രൈ​വ​ര്‍​മാ​ര്‍ തു​ട​രു​ന്ന സാ​ഹ​ച​ര്യ​ത്തി​ല്‍ ലി​സ്​​റ്റി​ല്‍ ഉ​ള്‍​പ്പെ​ട്ട​വ​ര്‍​ക്ക് നി​യ​മ​നം ന​ല്‍​കാ​ന്‍ സ​ര്‍​ക്കാ​ര്‍ ത​യാ​റാ​വ​ണ​മെ​ന്നും യൂ​ത്ത് കോ​ണ്‍​ഗ്ര​സ് ആ​വ​ശ്യ​പ്പെ​ട്ടു.