സംസ്ഥാനത്ത് തദ്ദേശ തെരഞ്ഞെടുപ്പ് മൂന്ന് ഘട്ടങ്ങളായി: ആദ്യഘട്ടം ഡിസംബർ 8 ന്
![](https://i0.wp.com/santhigirinews.org/wp-content/uploads/2020/10/1-48.jpg?resize=780%2C470&ssl=1)
ശ്രീജ.എസ്
തിരുവനന്തപുരം: സംസ്ഥാനത്ത് തദ്ദേശ സ്വയംഭരണസ്ഥാനങ്ങളിലേക്കുളള തെരഞ്ഞെടുപ്പ് തീയതികള് പ്രഖ്യാപിച്ചു. മൂന്ന് ഘട്ടമായി വോട്ടെടുപ്പ് നടത്താനാണ് തെരഞ്ഞെടുപ്പ് കമ്മിഷന് തീരുമാനം.
ഡിസംബര് എട്ടിനാണ് ഒന്നാംഘട്ട തെരഞ്ഞെടുപ്പ്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലായിരിക്കും എട്ടിന് തെരഞ്ഞെടുപ്പ് നടക്കുക. കോട്ടയം, എറണാകുളം, തൃശൂര്,പാലക്കാട്, വയനാട് ജില്ലകളില് ഡിസംബര് പത്ത് വ്യാഴാഴ്ച രണ്ടാം ഘട്ട വോട്ടെടുപ്പ് നടക്കും.
മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് മൂന്നാംഘട്ടമായി ഡിസംബര് 14നാണ് വോട്ടെടുപ്പ്. ഡിസംബര് 16 ബുധനാഴ്ചയാണ് വോട്ടെണ്ണല്. രാവിലെ ഏഴ് മുതല് വൈകുന്നേരം ആറ് മണി വരെയാണ് വോട്ടെടുപ്പ്.
നവംബര് പന്ത്രണ്ടിന് തെരഞ്ഞെടുപ്പ് വിജ്ഞാപനം പ്രസിദ്ധീകരിക്കും. നവംബര് 19 വരെ സ്ഥാനാര്ത്ഥികള്ക്ക് നാമനിര്ദേശപത്രിക സമര്പ്പിക്കാം. പത്രികകളുടെ സൂക്ഷ്മ പരിശോധന നവംബര് 20ന് നടക്കും. നവംബര് 23 ആണ് പത്രിക പിന്വലിക്കാനുളള അവസാന തീയതി.