![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: ഇന്ത്യയില്‍ കോവിഡ് വാക്സിന്‍റെ വിതരണം തുടങ്ങാത്തതില്‍ കേന്ദ്രസര്‍ക്കാരിനെ വിമര്‍ശിച്ച്‌ കോണ്‍ഗ്രസ് നേതാവ് രാഹുല്‍ ഗാന്ധി. ലോകത്തിന്‍റെ വിവിധ ഭാഗങ്ങളിലുള്ള 23 ലക്ഷം ആളുകള്‍ക്ക് കോവിഡ് വാക്സിന് ലഭ്യമായിട്ടും ഇന്ത്യയില്‍ എന്ന് വരുമെന്ന് രാഹുല്‍ ഗാന്ധി ചോദിച്ചു.
“23 ലക്ഷം ആളുകള്‍ക്ക് ഇതിനോടകം കോവിഡ് വാക്സിന് ലഭ്യമായി കഴിഞ്ഞു. ചൈന, യുഎസ്, യുകെ, റഷ്യ തുടങ്ങിയ രാജ്യങ്ങള്‍ വിതരണം ആരംഭിച്ചു. ഇന്ത്യയില്‍ എന്ന് വരും മോദി ജീ’ രാഹുല്‍ ഗാന്ധി ട്വീറ്റ് ചെയ്തു
അതേസമയം, ഓക്സ്ഫഡ് അസ്ട്രസെനക്ക വാക്സിന് അടുത്ത ആഴ്ചയോടെ സര്‍ക്കാര്‍ അംഗീകാരം നല്‍കുമെന്നാണ് റിപ്പോര്‍ട്ടുകള്‍. ഡിസിജിഐയുടെ അനുമതി ലഭിച്ചാല്‍ ഓക്സ്ഫഡ് സര്‍വകലാശാലയുടെ പ്രതിരോധ മരുന്നിന് അനുമതി നല്‍കുന്ന ആദ്യ രാജ്യമായി ഇന്ത്യ മാറും.
