InternationalLatest
ക്രിസ്ത്യന് പള്ളിക്ക് മുന്നില് വെടിവയ്പ്
ശ്രീജ.എസ്
ന്യൂയോര്ക്ക്; ന്യൂയോര്ക്കില് പള്ളിയില് ക്രിസ്മസ് കാരളിനെത്തിയ ആളുകള്ക്കു നേരെ വെടിവയ്പ്. അക്രമിയെ പോലീസ് വധിച്ചു. ഞായറാഴ്ച വൈകുന്നേരം നാലിന് മാന്ഹട്ടനിലെ സെന്റ് ജോണ് ദ് ഡിവൈന് കത്തീഡ്രലിലായിരുന്നു സംഭവം.
ക്രിസ്മസ് കാരളില് സംബന്ധിക്കാന് തടിച്ചുകൂടിയ ജനക്കൂട്ടത്തിനു നേര്ക്കായിരുന്നു അക്രമി വെടിയുതിര്ത്തത്. കത്തീഡ്രലിന്റെ പടികളില് നിന്ന് അക്രമി വെടിയുതിര്ത്തതോടെ ആളുകള് ചിതറിയോടി. ആക്രമണത്തില് ആര്ക്കും പരിക്കേറ്റില്ല. പോലീസുമായുണ്ടായ ഏറ്റുമുട്ടലില് അക്രമി കൊല്ലപ്പെട്ടു.