ശ്രീജ.എസ്
തിരുവനന്തപുരം: കോവിഡ് പശ്ചാത്തലത്തില് സംസ്ഥാന സര്ക്കാരിന്റെ നേതൃത്വത്തില് രൂപീകരിക്കപ്പെട്ട സന്നദ്ധസേനയുടെ ബ്രാന്ഡ് അംബാസഡറായി നടന് ടൊവീനോ തോമസ്. പ്രളയ കാലത്തു രക്ഷാപ്രവര്ത്തനങ്ങളില് പങ്കുചേര്ന്നു സമൂഹത്തിനു മാതൃകയായി മാറിയ വ്യക്തികളിലൊരാളാണു ടൊവിനോ തോമസെന്നും സന്നദ്ധസേനയുടെ സന്ദേശം കൂടുതല് ആളുകളിലേയ്ക്കു എത്താന് അദ്ദേഹത്തിന്റെ സാന്നിധ്യം സഹായകരമാകുമെന്നും നിയമനം പ്രഖ്യാപിച്ചുകൊണ്ട് മുഖ്യമന്ത്രി പിണറായി വിജയന് പറഞ്ഞു.
ഭാവിയിലുണ്ടായേക്കാവുന്ന പ്രതിസന്ധി ഘട്ടങ്ങളെ മറികടക്കാന് ഇത്തരമൊരു സന്നദ്ധസേന വലിയ മുതല്ക്കൂട്ടായി മാറുമെന്നും സാമൂഹിക സന്നദ്ധ സേനയിലേക്ക് ഇനിയും ഒരുപാടു യുവാക്കള് കടന്നു വരണമെന്നാണ് ആഗ്രഹിക്കുന്നതെന്നും മുഖ്യമന്ത്രി വ്യക്തമാക്കി.