ഇന്ത്യ ലോകജനാധിപത്യത്തിന് മാതൃകയെന്ന് ഓം ബിർല

തെരഞ്ഞെടുപ്പിനെ തുടർന്നുള്ള ശാന്തമായ അധികാര കൈമാറ്റം; ഇന്ത്യ ലോകജനാധിപത്യത്തിന് മാതൃക

ഡെറാഡൂൺ: ഇന്ത്യയുടെ തെരഞ്ഞെടുപ്പ് പ്രക്രിയയും അധികാരകൈമാറ്റങ്ങളും ലോകജനാധിപത്യത്തിന് മാതൃകയെന്ന് ലോകസഭാ സ്പീക്കർ ഓം ബിർള. അമേരിക്കയിലെ സംഭവങ്ങളുടെ പശ്ചാത്തലത്തിലാണ് ഇന്ത്യയിലെ ഭരണകൈമാറ്റങ്ങളുടെ സുതാര്യതയെ ലോകസഭാ സ്പീക്കർ എടുത്തുപറഞ്ഞത്. പാർലമെന്ററി റിസർച്ച് ആന്റ് ട്രെയിനിംഗ് ഇൻസ്റ്റിറ്റ്യൂട്ട് സംഘടിപ്പിച്ച സെമിനാറിൽ സംസാരിക്കുകയായിരുന്നു അദ്ദേഹം.

രാജ്യത്താകമാനമായി നടന്ന പൊതു തെരഞ്ഞെടുപ്പുകളും നിയമസഭാ തെരഞ്ഞെടുപ്പുകളും എത്രയധികം ജനപങ്കാളിത്തത്തോടെയാണ് പൂർത്തിയായത് എന്നതിൽ രാജ്യം അഭിമാനിക്കുന്നു. ഗാന്ധിജി പറഞ്ഞപോലെ ഇന്ത്യയുടെ ആത്മാവ് ജീവിക്കുന്നത് ഗ്രാമങ്ങളിലാണെന്നതും തെരഞ്ഞെടുപ്പ് പ്രക്രിയയിൽ അത് ദൃശ്യമാണെന്നും ഓം ബിർല വ്യക്തമാക്കി.