![“Manju”](https://santhigirinews.org/wp-content/uploads/2020/04/YOUTUBE.jpg")
മൂന്ന് മത്സരങ്ങളില്‍ ഒന്ന് വീതം ജയവും തോല്‍വിയും സമനിലയുമാണ് ബഗാന്‍ നേടിയത്. ഇന്ന് ഇന്ത്യന്‍ നേവിക്കെതിരെയാണ് ബഗാന്റെ അവസാന ഗ്രൂപ്പ് ഘട്ട മത്സരം. കഴിഞ്ഞ ദിവസം നടന്ന കൊല്‍ക്കത്ത ഡെര്‍ബിയില്‍ ഈസ്റ്റ് ബംഗാളിനെതിരെ നേടിയതാണ് ഡ്യൂറാന്‍ഡ് കപ്പിലെ ബഗാന്റെ ഏകജയം. എതിരില്ലാത്ത ഒരു ഗോളിനായിരുന്നു ഈ ജയം. അതാകട്ടെ സെല്‍ഫ് ഗോളില്‍ നിന്നും. മത്സരങ്ങളില്‍ പലപ്പോഴും ബഗാന്‍ താരങ്ങള്‍ ഒരുപാട് ഗോളവസരങ്ങള്‍ പാഴാക്കുന്നുണ്ട്. എന്നാല്‍ ഇക്കാര്യം തന്നെ ഒരുതരത്തിലും ആശങ്കപ്പെടുത്തുന്നില്ല എന്നാണ് ബഗാന്‍ പരിശീലകന്‍ ജുവാന്‍ ഫെറാന്‍ഡോ പറയുന്നത്. ഇന്നത്തെ മത്സരത്തിന് മുന്നോടിയായി പത്രസമ്മേളനത്തിലാണ് സ്പാനിഷ് പരിശീലകന്‍ ഇക്കാര്യം വിശദീകരിച്ചത്. കഴിഞ്ഞ മൂന്ന് മത്സരങ്ങളില്‍ അനായാസം ജയിക്കാന്‍ സാധിക്കാത്തതോ അല്ലെങ്കില്‍ ടീം നിരവധി അവസരങ്ങള്‍ പാഴാക്കുന്നതോ എന്നെ ആശങ്കപ്പെടുത്തുന്നില്ല, അതേസമയം തന്നെ മത്സരങ്ങളില്‍ ഗോളവസരം അധികം സൃഷ്ടിക്കാന്‍ കഴിയാതിരുന്നെങ്കിലോ അല്ലെങ്കില്‍ മത്സരങ്ങള്‍ ഞങ്ങളുടെ നിയന്ത്രണത്തിലല്ലായിരുന്നെങ്കിലോ ഞാന്‍ ആശങ്കപ്പെടുമായിരുന്നു, ഇതിപ്പോള്‍ സീസണ്‍ തുടങ്ങിയതല്ലേയുള്ളു, ഞങ്ങള്‍ക്ക് തിരുത്താന്‍ ഏറെയുണ്ട്, കൃത്യസമയത്ത് ടീം ഏറ്റവും മികച്ച ഫോമിലേക്കെത്തുമെന്നാണ് എന്റെ പ്രതീക്ഷയെന്നും ഫെറാന്‍ഡോ പറഞ്ഞു.
