![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ന്യൂഡല്‍ഹി: ത്രിപുര കോണ്‍ഗ്രസ് അധ്യക്ഷന്‍ പിജുഷ് ബിശ്വാസിന്റെ കാറിന് നേരെ ആക്രമണം. ഞായറാഴ്ച രാവിലെയാണ് സംഭവമുണ്ടായിരിക്കുന്നത്. ബിശ്വാസിന് ചെറിയ രീതിയില്‍ പരിക്കേറ്റു. ബി.ജെ.പിയാണ് ആക്രമണത്തിന് പിന്നിലെന്ന് കോണ്‍ഗ്രസ് ആരോപിക്കുകയുണ്ടായി.
അഗര്‍ത്തലയില്‍ നിന്ന് കോണ്‍ഗ്രസ് ബിശാല്‍ഗ്രാഹിലേക്കുള്ള യാത്രക്കിടെയാണ് ആക്രമണമുണ്ടായത്. സംഭവത്തില്‍ വാഹനത്തിന്റെ ചില്ലുകള്‍ തകര്‍ന്നു. പൊലീസില്‍ പരാതി നല്‍കിയിട്ടുണ്ടെന്നും വൈകീട്ട് വാര്‍ത്തസമ്മേളനത്തില്‍ കൂടുതല്‍ കാര്യങ്ങള്‍ വിശദീകരിക്കുമെന്നും ബിശ്വാസ് പറഞ്ഞു. എന്നാല്‍ അതേസമയം, കേസില്‍ അന്വേഷണം ആരംഭിച്ചുവെന്ന് അറിയിച്ച പൊലീസ് ആക്രമണത്തിന് പിന്നില്‍ രാഷ്ട്രീയ പാര്‍ട്ടികളുണ്ടോയെന്ന് ഇപ്പോള്‍ പറയാനാവില്ലെന്നും പ്രതികരിക്കുകയുണ്ടായി.
