ശ്രീജ.എസ്
അഞ്ചാലുംമൂട്: കോവിഡ് മാനദണ്ഡങ്ങള് ലംഘിച്ചതില് കുപ്പണ വേലായുധമംഗലം ക്ഷേത്രഭാരവാഹികള്ക്കെതിരെ അഞ്ചാലുംമൂട് പൊലീസ് കേസെടുത്തു. കൊടിയേറ്റ് സമയത്ത് സാമൂഹിക അകലം പാലിക്കാതെ ആളുകള് കൂടി നിന്നതിനാണ് കേസെടുത്തതെന്ന് പൊലീസ് പറഞ്ഞു.
കഴിഞ്ഞ ദിവസമാണ് തൈപ്പൂയ ഉത്സവത്തിന് കൊടികയറിയത്. ദൃശ്യങ്ങള് സാമൂഹികമാധ്യമങ്ങളില് പ്രചരിച്ചതോടെയാണ് നടപടി. അതേസമയം ഉത്സവം നടത്തുന്നതുമായി ബന്ധപ്പെട്ട് കളക്ടര്, കമ്മീഷണര്, ആരോഗ്യ വിഭാഗം എന്നിവരുരുടെ അനുമതി വാങ്ങിയിരുന്നെന്നും കൊടിയേറ്റ് സമയത്തുണ്ടായ ജനക്കൂട്ടത്തെ തടയാനായില്ലെന്നും ക്ഷേത്ര പ്രസിഡന്റ് അശോകന് പറഞ്ഞു.
ക്ഷേത്ര ഭാരവാഹികളോട് കൊടിയേറ്റു സമയത്ത് ആള്ക്കൂട്ടം ഉണ്ടാകരുതെന്ന് നിര്ദേശിച്ചിരുന്നെന്നും കോവിഡ് മാനദണ്ഡം ലംഘിക്കുന്നവര്ക്കെതിരെ ശക്തമായ നിയമനടപടി സ്വീകരിക്കുമെന്നും അഞ്ചാലുംമൂട് പൊലീസ് പറഞ്ഞു .
‘